RAPO 22: 'RAPO' బేబీ ఎవరో తెలుసా..
ABN , Publish Date - Nov 20 , 2024 | 11:25 AM
‘ఉస్తాద్‌’ రామ్ పోతినేని మైత్రి మూవీ మేకర్స్ కాంబినేషన్‌లో ఒక న్యూ ఏజ్ ఎమోషనల్ ఫిల్మ్ రూపుదిద్దుకుంటున్న విషయం తెలిసిందే. ఈ సినిమాలో ప్రస్తుతం టాలీవుడ్‌లో యంగ్ అండ్ హ్యాపెనింగ్ హీరోయిన్ ని సెలెక్ట్ చేశారు. ఆమె ఎవరంటే..
‘ఉస్తాద్‌’ రామ్ పోతినేని (Ram) హీరోగా మైత్రి మూవీ మేకర్స్ (Mythri movie makers) సంస్థ ‘మిస్ శెట్టి మిస్టర్ పోలిశెట్టి’ డైరెక్టర్ మహేష్‌బాబు (Mahesh Babu) దర్శకత్వంలో ఓ మూవీ తెరకెక్కిస్తున్న విషయం తెలిసిందే. కాగా, ఈ సినిమా పూజ కార్యక్రమం నవంబర్ 21న హైదరాబాద్ లో జరగనుంది. అయితే ఇప్పటి వరకు ఈ సినిమా ఇతర క్యాస్టింగ్, టెక్నీషియన్స్ వివరాలు బయటకు రాలేదు. తాజాగా ఈ సినిమాలో హీరోయిన్ ని మేకర్స్ పరిచయం చేసేశారు. ఇంతకీ ఆమె ఎవరంటే..
వరుసగా యాక్షన్ ఫిలిమ్స్ చేస్తూ.. రామ్ బొక్కాబోర్లాపడ్డారు. దీంతో ఆయన ఈ సారి రూట్ మార్చినట్లు తెలుస్తోంది. ఈ క్రమంలోనే ఈ సినిమాని చాలా ప్రెస్టీజియస్‌గా తీసుకున్నారు. ఈ క్రమంలోనే మూవీలో హీరోయిన్‌గా యంగ్ అండ్ హ్యాపెనింగ్ బ్యూటీ భాగ్యశ్రీ బోర్సే‌ని ఎంపిక చేశారు. 'మిస్టర్ బచ్చన్'తో టాలీవుడ్ ఇండస్ట్రీకి ఇంట్రడ్యూస్ అయినా ఈ బ్యూటీ మొదటి సినిమాతో గ్లామర్ తో పాటు యాక్టింగ్ చేయగల నటిగా పేరు తెచ్చుకుంది. రామ్, భాగ్యశ్రీ జంటగా రూపొందుతున్న మొదటి చిత్రమిది. వాళ్ళిద్దరి పెయిర్, సీన్స్ సినిమా హైలైట్స్‌లో ఒకటి అవుతాయని యూనిట్ అంటోంది.
'మిస్ శెట్టి మిస్టర్ పోలిశెట్టి'లో దర్శకుడు మహేష్ బాబు. పి సున్నితమైన వినోదంతో పాటు చక్కటి సందేశంతో ఈ సినిమాని రూపొందించనున్నారు. భావోద్వేగాలను హృద్యంగా ఆవిష్కరించనున్నట్లు తెలుస్తోంది. ఈ సినిమానూ యూత్, ఫ్యామిలీ, ఆడియన్స్ అందరూ మెచ్చే కథతో తెరకెక్కించనున్నారు. నవంబర్ 21న పూజ జరిగిన తర్వాత ఇతర నటీనటులు, సాంకేతిక నిపుణుల వివరాల వెల్లడించనున్నారు.