Rajkumar Hirani: విక్కీ కౌశల్‌తో హిరాణీ.. అంతా సిద్దమేనా..
ABN , Publish Date - Nov 09 , 2024 | 08:01 AM
తన తదుపరి ప్రాజెక్ట్‌ కోసం బాలీవుడ్ కథానాయకుడు విక్కీ కౌశల్‌తో రాజ్ కుమార్ హిరానీ చేతులు కలిపారా? అంటే అవుననే అంటున్నాయి బాలీవుడ్ వర్గాలు.
బాలీవుడ్ దర్శకుల్లో రాజ్‌కుమార్‌ హిరాణీది (Rajkumar Hirani) ప్రత్యేక శైలి. కథ ఏ జానర్‌ అయినా దానికి ఎమోషన్స్‌ జోడించి ప్రేక్షకుల్ని మెప్పిస్తారు. అదే ఆయన బలం. ఇప్పుడు తన తదుపరి ప్రాజెక్ట్‌ కోసం బాలీవుడ్ కథానాయకుడు విక్కీ కౌశల్‌(Vicky kaushal)తో చేతులు కలిపారా? అంటే అవుననే అంటున్నాయి బాలీవుడ్ వర్గాలు. ప్రస్తుతం వీరిద్దరి కాంబినేషన్‌లో రాబోతున్న ఈ సినిమాకు సంబంధించిన స్క్రిప్ట్ పనులు ఇప్పటికే మొదలైనట్లు హిరాణి సన్నిహితుల నుంచి సమాచారం. ‘‘రాజ్‌కుమార్‌ తెరకెక్కించిన ‘సంజు’, ‘డంకీ’ చిత్రాల్లో ఓ కీలక పాత్రలో మెరిశారు విక్కీ కౌశల్‌. ఈ చిత్రాల్లో ఆయన నటనను మెచ్చిన దర్శకుడు.. విక్కీ కోసం ప్రత్యేకంగా ఓ కథను సిద్థం చేస్తున్నారు.
Appudo Ippudo Eppudo Review: నిఖిల్‌ క్రైమ్‌, లవ్‌స్టోరీ ఎలా ఉందంటే..
వీరిద్దరి కలయికలో పూర్తి స్థాయిలో రాబోతున్న మొదటి చిత్రమిది. త్వరలో పూర్తి వివరాల్ని అధికారికంగా ప్రకటించే అవకాశం ఉందని చెబుతున్నారు. ప్రస్తుతం ఆయన నటించిన ‘ఛావా’ (Chhaava)సినిమా విడుదలకు రెడీ అయింది. ఇందులో విక్కీ కౌశల్‌ ఛత్రపతి శంభాజీ పాత్రలో కనిపిస్తారు. హిస్టారికల్‌ ఎపిక్‌ డ్రామాగా రూపొందుతున్న ఈ చిత్రానిక లక్ష్మణ్‌ ఉటేకర్‌ దర్శకత్వం వహిస్తున్నారు. డిసెబంర్‌ 6న సిపిమా విడుదల కానుంది.(Bollywood movie)