The Raja Saab: టాలీవుడ్‌లో నయా ట్రెండ్.. హీరోలు లేకుండానే
ABN , Publish Date - Nov 02 , 2024 | 10:47 AM
‘ది రాజాసాబ్' సినిమా షూటింగ్‌లో దర్శకుడు కొత్త పోకడలు పోయారు. ఇదే ట్రెండ్‌ని యంగ్ అండ్ టాలెంటెడ్ సుజీత్ కూడా ఫాలో అవుతున్నారు. ఇంతకీ టాలీవుడ్‌లో స్టార్ట్ అయినా ఆ నయా ట్రెండ్ ఏంటంటే..
ప్రభాస్ హీరోగా దర్శకుడు మారుతి తెరకెక్కిస్తున్న చిత్రం ‘ది రాజాసాబ్'. మాళవికా మోహనన్‌, నిధి అగర్వాల్‌, రిద్థి కుమార్‌ హీరోయిన్లు. ప్రభాస్ ఇప్పటిదాకా చేయని రొమాంటిక్ హారర్ జానర్ లో "రాజా సాబ్" సినిమాను దర్శకుడు మారుతి రూపొందిస్తుండటంతో ఈ సినిమా మీద అందరిలో క్యూరియాసిటీ ఏర్పడింది. పాన్ ఇండియా స్థాయిలో తెలుగుతో పాటు తమిళ, మలయాళ, కన్నడ, హిందీలో వచ్చే ఏడాది ఏప్రిల్ 10న గ్రాండ్‌గా ప్రేక్షకుల ముందుకు రాబోతోంది. ప్రస్తుతం చిత్రీకరణ తుది దశలో ఉంది. అయితే ఈ సినిమా షూటింగ్‌లో దర్శకుడు కొత్త పోకడలు పోయారు. ఇదే ట్రెండ్‌ని యంగ్ అండ్ టాలెంటెడ్ సుజీత్ కూడా ఫాలో అవుతున్నారు. ఇంతకీ టాలీవుడ్‌లో స్టార్ట్ అయినా ఆ నయా ట్రెండ్ ఏంటంటే..
ఈ ఏడాది ఏప్రిల్ 10న రాజాసాబ్ గ్రాండ్ రిలీజ్ ఉండటంతో డైరెక్టర్ మారుతి నాన్ స్టాప్‌గా షూటింగ్ కొనసాగిస్తున్నారు. అయితే ఈ షూట్‌లో ప్రభాస్ లేడు. హీరోలేని ఇతర సీన్లని షూట్ చేస్తున్నారు. ప్రస్తుతం ప్రభాస్ హను రాఘవపూడి 'ఫౌజి' షూటింగ్ లో బిజీగా గడుపుతున్నారు. అయితే హీరో లేకుండా షూటింగ్ చేయడం టైమ్ సేవింగ్ పనే అయినా.. ఈ మధ్య కాలంలో వస్తున్న స్టార్ హీరోస్ మూవీలలో హీరో లేని సీన్లు ఎన్ని ఉంటాయో అంటూ చిన్న సందేహం వ్యక్తం చేస్తున్నారు కొందరు. ఏది ఏమైనా ఈ ట్రెండ్ నిర్మాతకి, దర్శకుడికి కలిసొచ్చే అంశమే. ఇక పవన్‌కల్యాణ్‌ హీరోగా సుజీత్ దర్శకత్వంలో తెరకెక్కుతున్న ‘ఓజీ’ మూవీకి కూడా ఇదే ట్రెండ్ ఫాలో అవుతున్నారట దర్శకుడు.
మరోవైపు ఓజీ సినిమాపై పలు వార్తలు చక్కర్లు కొడుతున్నాయి.. ఈ చిత్రంలో పవన్‌కల్యాణ్‌ ఎంట్రీ సినిమా ప్రారంభమైన 20 నిమిషాల తర్వాత ఉంటుందని, అక్కడి నుంచి సినిమా మొత్తంలో దాదాపు గంట నిడివి కనిపిస్తారని నెట్టింట వైరల్‌ అవుతోంది. అధికారికంగా మేకర్స్‌ ప్రకటించలేదు కానీ ఈ చిత్రం రెండు భాగాలుగా తెరకెక్కుతోందని వినికిడి. అయితే పార్ట్‌ 1 ప్రీ క్లైమాక్స్‌ సీక్వెల్‌కి లీడ్‌ అదిరిపోయేలా దర్శకుడు డిజైన్‌ చేశాడట. పార్టు 2 లో ప్లాష్‌ బ్యాక్‌ ఎపిసోడ్‌ ఉంటుందట.