Kiran Abbavaram: 'క' మూవీ రివ్యూస్‌పై కిరణ్ అబ్బవరం ఏమన్నాడంటే..
ABN , Publish Date - Oct 31 , 2024 | 02:01 PM
‘క’ సినిమా రివ్యూలపై హీరో కిరణ్ అబ్బవరం తన సోషల్ మీడియా ద్వారా ఒక వీడియో రిలీజ్ చేశాడు. ఇంతకీ కిరణ్ ఏమన్నాడంటే..
జయాపజయాలను పట్టించుకోకుండా వరుస సినిమాలు చేస్తున్నారు కిరణ్ అబ్బవరం. పలు పరాజయాల తర్వాత కాస్త గ్యాప్‌ తీసుకుని, తనని తాను నిరూపించుకోవడానికి చేసిన చిత్రం ‘క’. దీపావళి బరిలో నిలిచిన నాలుగు చిత్రాల్లో ఇదీ ఒకటి. సినిమా ప్రమోషన్స్‌లో కిరణ్ అబ్బవరం చేసిన వ్యాఖ్యలు సినిమాపై ఆసక్తి రేపాయి. ప్రస్తుతం అని చోట్ల నుండి ఈ సినిమాపై పాజిటివ్ టాక్ వినిపిస్తుంది. ఈ నేపథ్యంలోనే హీరో కిరణ్ అబ్బవరం తన సోషల్ మీడియా ద్వారా ఒక వీడియో రిలీజ్ చేశాడు. ఇంతకీ కిరణ్ ఏమన్నాడంటే..
దీపావళి కానుకగా రిలీజైన 'క' సినిమా మంచి టాక్ సొంతం చేసుకొంది. ఈ నేపథ్యంలో హీరో కిరణ్ అబ్బవరం మాట్లాడుతూ.. "అందరికి దీపావళి శుభాకాంక్షలు.. ప్రతొక్కరికి థ్యాంక్యూ సో మచ్. నిన్నటి నుండి వస్తున్న మెసేజెస్, రివ్యూస్ చూస్తుంటే హ్యాపీ గా ఉంది. ప్రత్యేకంగా ట్విటర్ లో అందరి హీరోల అభిమానులు చాలా హార్ట్ ఫుల్ గా సపోర్ట్ చేశారు. మీకు సినిమా ఎంతో నచ్చిందో తెలీదు కానీ.. మీ సపోర్ట్ చూస్తే చాలా బాగా అనిపించింది. ఎక్కడ చూసిన హౌస్ ఫుల్ షోస్ పడుతున్నాయి. దీపావళికి మీరందరు నాకు మంచి గిఫ్ట్ ఇచ్చారు. మా కొత్త ప్రయతనికి సహకరించిన ప్రతి ఒక్కో సినీ అభిమానికి ధన్యవాదాలు. ముఖ్యంగా క్లైమాక్స్ చివరి 20 నిమిషాలకు వస్తున్న అభినందనలు చాలా సంతోషాన్ని కలగజేస్తున్నాయి. మీరందరు మీ కుటుంబాలతో కలిసి ఈ దీపావళిని 'క' సినిమాతో సెలబ్రేట్ చేసుకోండి" అంటూ తన సంతోషాన్ని వ్యక్తం చేశాడు.
నయన్ సారిక, తన్వీ రామ్ హీరోయిన్లుగా నటించారు. శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్‌టైన్‌మెంట్స్‌ బ్యానర్‌పై చింతా గోపాలకృష్ణ రెడ్డి భారీ ప్రొడక్షన్ వ్యాల్యూస్‌తో నిర్మించారు. దర్శక ద్వయం సుజీత్, సందీప్ విలేజ్ బ్యాక్ డ్రాప్ యాక్షన్ థ్రిల్లర్ కథతో ఈ సినిమాను తెరకెక్కించారు.