Varun Tej Lavanya marriage: రూ. 8 కోట్లకు అమ్ముడుపోయిన పెళ్లి వీడియో?

మెగా ప్రిన్స్ వరుణ్ తేజ్ (Varun Tej), లావణ్య త్రిపాఠి (Lavanya Tripathi) ల వివాహం ఇటలీలోని టస్కానీలోని కొన్ని రోజుల క్రితం ఘనంగా జరిగింది. #VarunLav నూతన దంపతులు హైదరాబాద్ లో రిసెప్షన్‌ ఇచ్చారు, ఇక్కడ ఇంకో రెసెప్షన్ కూడా ఉంటుంది, అలాగే త్వరలో డెహ్రాడూన్‌లో మరో గ్రాండ్ రిసెప్షన్ ఇవ్వటం కోసం ఏర్పాట్లు జరుగుతున్నాయి, అక్కడ కేవలం స్నేహితులు, కుటుంబ సభ్యులకు మాత్రం ఈ రెసెప్షన్ కి వస్తున్నారు అని భావిస్తున్నారు. #MegaWedding

ఇదిలా ఉండగా ప్రఖ్యాత OTT ప్లాట్‌ఫారమ్ నెట్‌ఫ్లిక్స్ (Netflix) ఈ వివాహాన్ని ప్రసారం చేసే హక్కులను రూ. 8 కోట్ల రూపాయలకు ప్రత్యేకంగా కొనుగోలు చేసిందని వార్తలు వ్యాపించాయి. ఇంతకు ముందు చాలామంది సెలబ్రిటీ వివాహాలు ఇలా ఓటిటి లో ప్రసారం చేశారు, కాబట్టి ఈ వివాహం కూడా ఓటిటి లో ప్రసారం కానుంది అని అభిమానులు ఈ వేడుక చూడటానికి ఎప్పుడెప్పుడా అని ఎదురుచూస్తున్నారు.

అయితే ఈ వార్త కేవలం ఒక పుకారు అని, అటువంటిది ఏమీ లేదని వరుణ్ తేజ్ టీము ఈ వార్త మీద ఒక అధికార ప్రకటన జారీ చేసింది.

"వరుణ్ తేజ్, లావణ్య వివాహానికి సంబంధించిన OTT హక్కుల గురించి జరుగుతున్న ఊహాగానాలు పూర్తిగా నిరాధారమైనవి మరియు అవాస్తవమైనవి. అలాంటి పుకార్లను నమ్మవద్దని, వ్యాప్తి చేయవద్దని అభ్యర్థిస్తున్నాము", అని ఆ ప్రకటనలో పేర్కొంది. ఈ జంట తమ ఆర్థిక ప్రయోజనాల కోసం వ్యక్తిగత, కుటుంబ గౌరవం కోసం ఎప్పటికీ రాజీ పడదని నొక్కిచెప్పారు, వారు స్వీకరించే ఆఫర్‌లతో సంబంధం లేకుండా. మెగా ఫ్యామిలీ ప్రతిష్టకు భంగం కలిగించే ఎలాంటి పుకార్లకు నమ్మవద్దని ఈ ప్రకటనలో కోరారు.