Abhirami: అప్పుడలా.. ఇప్పుడిలా.. అభిరామి ఫొటోలు వైరల్‌

సినిమా రంగంలో ఈ రోజు ఉన్నట్లు ఇంకో రోజు ఉండదు. తొలి చిత్రంతోనే సూపర్‌ హిట్‌ అందుకుని మంచి గుర్తింపు తెచ్చుకున్నవారు చాలామంది ఉంటారు. అందం, అభినయంతో తెలుగు ప్రేక్షకులను అలరించిన అలాంటి తారలు  ఎందరో. పెద్దగా అవకాశాలు రాకపోయినా.. చిన్న సినిమాలతోనే బాగా ఫేమ్‌ తెచ్చుకుంటారు. అలాంటి హీరోయిన్స్‌లో అభిరామి (Abhirami) ఒకరు. వేణు తొట్టెంపూడితో కలిసి 'చెప్పవే చిరుగాలి’ (Cheppave Chirugali) చిత్రంలో నటించి మెప్పించింది.  ఆ చిత్రంలో సాఫ్ట్‌గా, ట్రెడిషనల్‌గా కనిపించే అమ్మాయిగా తన  నటనతో మెప్పించి తెలుగు ప్రేక్షకుల హృదయాలను కొల్లగొట్టింది. ఆ చిత్రం తర్వాత థాంక్యూ సుబ్బరావ్‌, చార్మినార్‌ వంటి చిత్రాల్లో నటించింది. కానీ ఆ సినిమాలు పెద్దగా ఆడలేదు.  2000 వరకు తెలుగుతోపాటు కన్నడ, మలయాళం, తమిళంలో బ్యాక్‌ టూ బ్యాక్‌ చిత్రాల్లో నటించిన అభిరామి ఉన్నత చదువుల కోసం అమెరికా వెళ్లింది. దీంతో ఆమె సినీరంగానికి దూరమయ్యింది. 

దాదాపు పదేళ్లు సినిమాలకు దూరంగా ఉన్న ఆమె 2014లో మలయాళం సినిమా ద్వారా రీ ఎంట్రీ ఇచ్చింది. ప్రస్తుతం సెకండ్‌ ఇన్నింగ్స్‌ లో వరుస చిత్రాలతో దూసుకుపోతుంది. ప్రస్తుతం హీరోయిన్‌గా కాకుండా క్యారెక్టర్‌ ఆర్టిస్ట్‌ మంచి పాత్రలు అందుకుంటోంది. అమర్‌ అక్బర్‌ ఆంటోని చిత్రంలో తల్లి పాత్రలో కనిపించారు. ప్రస్తుతం తెలుగు, తమిళంలో వరుస సినిమాల్లో నటిస్తోంది. తెలుగులో భలే ఉన్నాడే, తమిళంలో వేట్టయాన్‌ చిత్రాలతో మెప్పించింది. అంతే కాదు సోషల్‌ మీడియాలోనూ యాక్టివ్‌గా ఉంటుంది. ట్రెండింగ్‌ దుస్తులు ధరించి ఫొటోలతో ఆకట్టుకుంటుంది. ఆ ఫోటోలు చూసిన ప్రేక్షకులు అప్పుడు ట్రెడీషనల్‌గా.. ఇప్పుడు ట్రెండీగా అంటూ కామెంట్స్‌ చేస్తున్నారు.