మైత్రీ సంస్థ ద్విభాషా చిత్రం

‘లవ్‌ టుడే, డ్రాగన్‌’ చిత్రాలతో కథానాయకుడిగా తెలుగు ప్రేక్షకులకు దగ్గరయ్యారు ప్రదీప్‌ రంగనాథన్‌. ఇప్పుడు ఆయనతో ప్రముఖ టాలీవుడ్‌ నిర్మాణ సంస్థ మైత్రీ మూవీ మేకర్స్‌ తెలుగు, తమిళ భాషల్లో ఓ చిత్రాన్ని నిర్మిస్తోంది. ‘ప్రేమలు’ చిత్రంతో యువతను మెప్పించిన మమితాబైజు ప్రదీప్‌కు జోడీగా నటిస్తున్నారు. కీర్తిశ్వరన్‌ ఈ చిత్రంతో దర్శకుడిగా పరిచయమవుతున్నాడు. బుధవారం పూజా కార్యక్రమాలతో చిత్రీకరణ ప్రారంభించారు. శరత్‌కుమార్‌ కీలకపాత్ర పోషిస్తున్న ఈ చిత్రానికి సాయి అభ్యంకర్‌ సంగీతం అందిస్తున్నారు. సినిమాటోగ్రఫీ: నికేత్‌ బొమ్మి, ఎడిటర్‌: భరత్‌ విక్రమన్‌.