Avika Gor: ‘ష‌ణ్ముఖ’లో అవికా గోర్ ఎంత అందంగా ఉందో..

వైవిధ్య‌మైన చిత్రాల‌కు, విభిన్న‌మైన క‌థ‌ల‌కు తెలుగు ప్రేక్ష‌కులు ఎప్పుడూ ఆద‌రిస్తుంటారనే విషయం ఇప్పటికే ఎన్నో సినిమాల విషయంలో నిరూపితమైంది. ఇప్పుడా కోవ‌లోనే రూపొందుతున్న డివోష‌న‌ల్ థ్రిల్ల‌ర్ చిత్రం ‘ష‌ణ్ముఖ’ (Shanmukha). ప‌వ‌ర్‌ఫుల్ టైటిల్‌తో రూపొందుతున్న ఈ చిత్రంలో ఆది సాయికుమార్ (Aadi Sai Kumar), అవికాగోర్ హీరోహీరోయిన్లుగా నటిస్తున్నారు. ఈ చిత్రానికి ష‌ణ్ముగం సాప్ప‌ని ద‌ర్శ‌కుడు. ‘శాస‌న‌స‌భ’ అనే పాన్ ఇండియా చిత్రంతో అంద‌రికి సుప‌రిచిత‌మైన సంస్థ సాప్‌బ్రో ప్రొడ‌క్ష‌న్స్ సంస్థ త‌మ ద్వితీయ చిత్రంగా ఈ చిత్రాన్ని నిర్మిస్తుంది. సాప్ప‌ని బ్ర‌దర్స్ స‌మ‌ర్ప‌ణ‌లో తుల‌సీరామ్ సాప్ప‌ని, ష‌ణ్ముగం సాప్ప‌ని, ర‌మేష్ యాద‌వ్ ఈ చిత్రాన్ని నిర్మిస్తున్నారు. ఇటీవ‌ల జ‌రిగిన చివ‌రి షెడ్యూల్‌తో ఈ చిత్రం షూటింగ్‌ను పూర్తిచేసుకుంది. ఈ చిత్రంలో క‌థానాయిక‌గా న‌టిస్తున్న అవికాగోర్ (Avika Gor) పుట్టిన‌రోజు సంద‌ర్భంగా ఆదివారం ఆమె ఫస్ట్ లుక్‌ను మేకర్స్ రివీల్ చేశారు. (HBD Avika Gor)

Also Read- Rao Ramesh: ఏపీ అభివృద్ధిలో భాగమైన నటుడు రావు రమేష్.. ఆ నియోజకవర్గానికి విరాళం

ఈ లుక్‌లో అవికా గోర్ చూడ ముచ్చటగా ఉంది. తెలుగుదనం ఉట్టిపడేలా.. చక్కని సాంప్రదాయ దుస్తుల్లో ఉన్న ఆమె లుక్ అందరినీ ఆకర్షిస్తోంది. అవికా గోర్ ఫస్ట్ లుక్ విడుదల సందర్భంగా చిత్ర ద‌ర్శ‌కుడు మాట్లాడుతూ.. ఇప్ప‌టి వ‌ర‌కు ఎవ‌రూ ట‌చ్ చేయ‌ని ఓ అద్భుత‌మైన పాయింట్‌తో రూపొందుతున్న డివోష‌న‌ల్ థ్రిల్ల‌ర్ ఇది. విజువ‌ల్ వండ‌ర్‌లా ఉండేలా అద్బుత‌మైన గ్రాఫిక్స్‌తో ఈ చిత్రాన్ని తెర‌కెక్కిస్తున్నాం. ఈ చిత్రంలో క‌థానాయిక అవికాగోర్ సారాగా సాహ‌సోపేత‌మైన ప‌నులు చేసే శ‌క్తివంత‌మైన అమ్మాయి పాత్ర‌లో క‌నిపించ‌నుంది. లక్ష్య సాధ‌న‌లో ఆది పాత్ర‌కు స‌పోర్ట్ చేస్తూ ఆయ‌నకు తోడుగా నిలిచే పాత్ర‌ ఆమెది. త‌ప్పకుండా ఆమె కెరీర్‌లో ఈ పాత్ర, సినిమా మ‌రిచిపోలేని చిత్రంగా నిలిచిపోతుంది. ఈ చిత్రంలో అవికాగోర్ త‌న న‌ట‌న‌తో అంద‌రి హృద‌యాల‌ను హ‌త్త‌ుకుంటుంది. త్వరలోనే చిత్ర విడుదల వివరాలను ప్రకటిస్తామని అన్నారు.

Read Latest Cinema News