Shanmukha: ఆది సాయికుమార్.. విజువ‌ల్ వండ‌ర్ ష‌ణ్ముఖ టైటిల్ లోగో విడుద‌ల

శాస‌న‌స‌భ అనే పాన్ ఇండియా చిత్రంతో అంద‌రికి సుప‌రిచిత‌మైన సంస్థ సాప్‌బ్రో ప్రొడ‌క్ష‌న్స్ (SAPBROGroup ) సంస్థ త‌మ ద్వితీయ చిత్రం నిర్మిస్తుంది. సాప్ప‌ని బ్ర‌దర్స్ స‌మ‌ర్ప‌ణ‌లో ష‌ణ్ముగం సాప్ప‌ని ద‌ర్శ‌క‌త్వంలో తుల‌సీరామ్ సాప్ప‌ని, ష‌ణ్ముగం సాప్ప‌ని, ర‌మేష్ యాద‌వ్ ఈ చిత్రాన్ని నిర్మిస్తున్నారు. ఆది సాయికుమార్ (Aadi Saikumar) హీరోగా, అవికాగోర్ హీరోయిన్‌గా జంట‌గా న‌టిస్తున్న ఈ చిత్రం టైటిల్ లోగోను ఉగాది ప‌ర్వ‌దినాన హైద‌రాబాద్ ఆవిష్క‌రించారు. ష‌ణ్ముఖ (Shanmukha) అనే చిత్ర టైటిల్ లోగోను సాప్ప‌ని బ్ర‌ద‌ర్స్ ఆవిష్క‌రించారు.

ఈ సంద‌ర్బంగా ఆది సాయికుమార్ మాట్లాడుతూ ష‌ణ్ముఖ (Shanmukha) అనే టైటిల్ విన‌గానే నాకు బాగా న‌చ్చింది. టైటిల్‌లో చాలా పాజిటివ్ వైబ్ ఉంది. మా క‌థ న‌చ్చి ఎంతో బిజీగా ఉన్నా కూడా ర‌విబ‌సూర్ మా చిత్రానికి సంగీతం అందించ‌డం ఆనందంగా ఉంది. సినిమా చాలా రిచ్‌గా ఉంటూ.. యూనిక్‌గా ఉండే డిఫ‌రెంట్ క‌థతో కంటెంట్ ఈజ్ కింగ్ అని న‌మ్మి చేసిన ఈ చిత్రం అంద‌రికి న‌చ్చుతుంద‌నే న‌మ్మ‌కం ఉందన్నారు. ద‌ర్శ‌కుడు ష‌ణ్ముఖం మాట్లాడుతూ శాస‌న‌స‌భ త‌రువాత నేను సినిమాకు దూరం అవుతాన‌ని అంద‌రూ అనుకున్నారు. కానీ నాకు సినిమా అంటే పాష‌న్‌. ర‌విబసూర్ స‌హ‌కారంతో ఈ సినిమా చేస్తున్నాను. ఇప్ప‌టి వ‌ర‌కు 70 శాతం షూటింగ్ పూర్త‌యింది. క‌థ‌కు యాప్ట్ అయ్యే టైటిల్ ఇది. త‌ప్ప‌కుండా మా కొత్త ప్ర‌య‌త్నాన్ని అంద‌రూ ఆద‌రిస్తార‌ని అనుకుంటున్నాను అన్నారు.

నిర్మాత‌ల్లో ఒక‌రైన తుల‌సీ రామ్ సాప్ప‌ని మాట్లాడుతూ మా త‌మ్ముడికి సినిమా అంటే పాష‌న్‌. అందుకే ఎంతో క‌ష్ట‌ప‌డి ఈసినిమా చేశాడు. త‌ప్ప‌కుండా త‌ప్ప‌కుండా విజ‌యం సాధిస్తుంద‌నే న‌మ్మకం ఉందన్నారు. చిత్ర నిర్మాత, ఎమ్ఎల్‌సీ ర‌మేష్ యాద‌వ్ మాట్లాడుతూ ష‌ణ్మ‌గంకు సినిమా మీద ఉండే ఆస‌క్తితో, నేను రాజ‌కీయాల్లో ఉన్నప్ప‌టికీ ఈ సినిమా నిర్మించాను. ఒక మంచి క‌థ‌తో రూపొందుతున్న ఈ సినిమా త‌ప్ప‌కుండా విజ‌యం సాధిస్తుంద‌నే న‌మ్మ‌కం ఉందన్నారు. అద్బుత‌మైన విజువ‌ల్స్‌తో రూపొందుతున్న ఈ చిత్రానికి ర‌విబ‌సూర్ సంగీతం హైలైట్‌గా ఉంటుందని, ఈ చిత్రంలో ఆది చాలా కొత్త‌గా ఉంటాడ‌ని, షాకింగ్‌గా ఉంటే విజువ‌ల్స్ ఈ చిత్రంలో ఉంటాయ‌ని మ‌నోజ్ నందం తెలిపారు.