Aparichithudu Re Release: అపరిచితుడు’ రీ రిలీజ్.. క్రేజీగా అడ్వాన్స్ బుకింగ్
ABN, Publish Date - May 15 , 2024 | 03:21 PM
సెన్సేషనల్ డైరెక్టర్ శంకర్, ప్రముఖ నిర్మాత వి రవిచంద్రన్ కాంబినేషన్‌లో విక్రమ్, సదా నటించిన చిత్రం ‘అపరిచితుడు’. ప్రభుత్వ అధికారుల్లో అవినీతి, అక్రమాల కథా నేపథ్యంగా రూపొందిన ఈ సినిమా 2005లో రిలీజై సంచలన విజయం సాధించిన విషయం తెలిసిందే. ఈ చిత్రం భారీ విజయాన్ని అందుకోవడమే కాకుండా విక్రమ్‌ను స్టార్ హీరోగా, కమర్షియల్ హీరోగానూ మార్చింది. ఈ చిత్రం మే 17న రీ రిలీజ్‌కు అంతా సిద్ధమైంది.
సెన్సేషనల్ డైరెక్టర్ శంకర్ (Shankar), ప్రముఖ నిర్మాత వి రవిచంద్రన్ కాంబినేషన్‌లో విక్రమ్ (Vikram), సదా (Sadha) నటించిన చిత్రం ‘అపరిచితుడు’ (Aparichithudu). ప్రభుత్వ అధికారుల్లో అవినీతి, అక్రమాల కథా నేపథ్యంగా రూపొందిన ఈ సినిమా 2005లో రిలీజై సంచలన విజయం సాధించిన విషయం తెలిసిందే. ఈ చిత్రం భారీ విజయాన్ని అందుకోవడమే కాకుండా విక్రమ్‌ను స్టార్ హీరోగా, కమర్షియల్ హీరోగానూ మార్చింది. ప్రస్తుతం రీ రిలీజ్‌ల హవా కొనసాగుతున్న నేపథ్యంలో ఈ సినిమాను మే 17వ తేదీన రిలీజ్ చేయడానికి ప్లాన్ చేశారు. ప్రస్తుతం తెలుగు, తమిళ రాష్ట్రాల్లో ఈ సినిమా రీ రిలీజ్‌కు అంతా సిద్ధమైంది. ఈ మూవీ అడ్వాన్స్ బుకింగ్ మొదలవ్వగా మంచి స్పందన కనిపిస్తుందని.. ఎన్నికల తర్వాత సరైనా సినిమా థియేటర్‌లో లేకపోవడంతో ఈ చిత్రం భారీ వసూళ్లను నమోదు చేస్తుందని ఈ సినిమాను రీ రిలీజ్ చేస్తున్న నిర్మాతలు ఆశిస్తున్నారు. (Aparichithudu Ready to Re Release)
*Vidya Vasula Aham: ‘విద్య వాసుల అహం’ మూవీ ట్రైలర్
‘అపరిచితుడు’ సినిమా విషయానికి వస్తే.. ఆస్కార్ సినిమా బ్యానర్‌పై రూపొందిన ఈ చిత్రాన్ని 20 కోట్ల రూపాయలతో నిర్మించారు. ఇక ఈ సినిమా ప్రపంచవ్యాప్తంగా సుమారుగా 60 కోట్ల రూపాయల షేర్ సాధించింది. ఈ చిత్రం ఆ ఏడాది రిలీజైన అన్ని చిత్రాల్లో అత్యధిక వసూళ్లు సాధించిన సినిమాగా రికార్డు క్రియేట్ చేసింది. ఈ చిత్రంలో విక్రమ్, ప్రకాశ్ రాజ్ మధ్య వచ్చే సన్నివేశాలు హై ఓల్టేజ్‌ను అందించాయి. విక్రమ్ (Vikram) నటనా విశ్వరూపాన్ని ప్రేక్షకులు చూడగలిగారు. రామం, రెమో, అపరిచితుడు.. ఇలా మూడు షేడ్స్‌లో విక్రమ్ నటనకు జనాలు నీరాజనాలు పలికారు.
ఈ సినిమాకు హ్యారీష్ జైరాజ్ (Harris Jayaraj) అందించిన మ్యూజిక్‌కు హైలెట్‌గా నిలిచింది. ఆయన రూపొందించిన పాటలు చార్ట్‌బస్టర్‌‌లో బ్లాక్ బస్టర్ అయ్యాయి. ఆ సాంగ్స్ ఇప్పటికీ కుర్రకారును ఉర్రూతలూగిస్తూనే ఉన్నాయి. ఇలాంటి విశిష్టత కలిగిన ఈ సినిమా రీ రిలీజ్ కోసం.. ఎప్పటి నుండో ప్రేక్షకులు ఆసక్తిగా ఎదురు చూస్తున్నారు. ఇప్పుడా సమయం వచ్చేసింది. ఈ రీ రిలీజ్‌లో మరోసారి ఈ సినిమా బాక్సాఫీస్‌ వద్ద కాసుల పంటను పండిస్తుందని ట్రేడ్ వర్గాలు సైతం వెల్లడిస్తుండటం విశేషం. (Aparichithudu Movie)
Read Latest Cinema News