Upendra: ‘UI ది మూవీ’ రెగ్యులర్ ఫిల్మ్ కాదు.. ఇమేజినరీ వరల్డ్
ABN , Publish Date - Dec 17 , 2024 | 08:28 PM
విలక్షణ చిత్రాలతో హీరోగా తనకంటూ ఒక స్టార్‌డమ్‌ని సొంతం చేసుకున్న కన్నడ సూపర్ స్టార్ ఉపేంద్ర నుండి రాబోతోన్న చిత్రం ‘UI ది మూవీ’. లహరి ఫిల్మ్స్, జి మనోహరన్ మరియు వీనస్ ఎంటర్‌టైనర్స్ కెపి శ్రీకాంత్ ఈ చిత్రాన్ని హై బడ్జెట్‌తో నిర్మిస్తున్నారు. ఈ సినిమా రెగ్యులర్ ఫిల్మ్ కాదంటూ తాజాగా జరిగిన ప్రీ రిలీజ్ వేడుకలో ఉపేంద్ర తెలిపారు. ఇంకా ఆయన మాట్లాడుతూ..
సూపర్ స్టార్ ఉపేంద్ర మచ్- ఎవైటెడ్ ఫ్యూచరిస్టిక్ ఎక్సట్రావగంజా చిత్రం ‘UI ది మూవీ’. లహరి ఫిల్మ్స్, జి మనోహరన్ మరియు వీనస్ ఎంటర్‌టైనర్స్ కెపి శ్రీకాంత్ ఈ చిత్రాన్ని హై బడ్జెట్‌తో నిర్మిస్తున్నారు. నవీన్ మనోహరన్ సహా నిర్మాత. గీతా ఫిల్మ్ డిస్ట్రిబ్యూటర్స్ ఈ చిత్రాన్ని తెలుగులో గ్రాండ్‌గా రిలీజ్ చేయనున్నారు. సెన్సేషనల్ ప్రమోషనల్ కంటెంట్‌తో ఈ హ్యుజ్ బజ్ క్రియేట్ చేసిన ఈ చిత్రం డిసెంబర్ 20న ప్రపంచవ్యాప్తంగా గ్రాండ్‌గా విడుదలయ్యేందుకు ముస్తాబైంది. ఈ సందర్భంగా మేకర్స్ ప్రీరిలీజ్ వేడుకను హైదరాబాద్‌లో గ్రాండ్‌గా నిర్వహించారు. ఈ కార్యక్రమానికి స్టార్ డైరెక్టర్ బుచ్చిబాబు సానా, నిర్మాత ఎస్ కే ఎన్ తదితరులు హాజరయ్యారు.
ఈ కార్యక్రమంలో కన్నడ సూపర్ స్టార్ ఉపేంద్ర మాట్లాడుతూ.. ‘‘తెలుగు ఇండస్ట్రీకి కృతజ్ఞతలు. ఇండియానే కాదు.. వరల్డ్ నే షేక్ చేస్తుంది టాలీవుడ్. 1000 కోట్లు, 2000 కోట్లు సినిమాలతో బ్లాక్ బస్టర్ హిట్స్ కొడుతున్నారు. అయినప్పటికీ ఒక చిన్న టాలెంట్‌ని చూసి కూడా గొప్పగా ఆదరిస్తున్నారు. దానికి నేనే నిదర్శనం. మీ ప్రేమను చూస్తుంటే చాలా ఆనందంగా ఉంది. బుచ్చిబాబు గారి ‘ఉప్పెన’ సినిమా చూసి షాక్ అయ్యాను. ఆయన ఫస్ట్ సినిమాలా అనిపించలేదు. రామ్ చరణ్‌తో నెక్స్ట్ ఫిల్మ్ చేస్తున్నారు. ఐ విష్ హిం ఆల్ ద వెరీ బెస్ట్. ‘బేబీ’ సినిమా నాకు చాలా నచ్చింది. అలాంటి ఆలోచన దర్శక నిర్మాతలకు ఎలా వచ్చిందో అని ఆశ్చర్యపోయాను. నిర్మాత ఎస్ కే ఎన్‌కు ఆల్ ది వెరీ బెస్ట్. వారు ఈ వేడుకకు రావడం చాలా ఆనందంగా ఉంది. తెలుగు ఆడియన్స్‌కి మనస్ఫూర్తిగా కృతజ్ఞతలు. నేను 20 ఏళ్ల క్రితం చేసిన సినిమాల్ని ఇంకా గుర్తుపెట్టుకుని నన్ను ఇంత గొప్పగా ఆదరిస్తున్నారు. మీ అందరి ప్రేమ, ప్రోత్సాహం చూస్తుంటే ఇంకా అద్భుతమైన సినిమాలు తీయాలని తపన కలుగుతుంది. ఈ గొప్పతనం అంతా ప్రేక్షకులదే.
Also Read-Allu Arjun: అల్లు అర్జున్‌ బెయిల్ రద్దు? పోలీసుల షాకింగ్ డెసిషన్..
నిర్మాత కె.పి శ్రీకాంత్‌కి ఈ సినిమా ఐడియా చెప్పాను. ఆయన లహరి లాంటి గొప్ప సంస్థని తీసుకొచ్చారు. ఇలా అందరూ కలిసి ఈ సినిమాని ఒక అద్భుతంగా మార్చారు. ఇది రెగ్యులర్ ఫిల్మ్‌లా ఉండదు. సినిమా చూసిన వారంతా ఒక కొత్త సినిమాని ఎక్స్‌పీరియెన్స్ చేస్తారు. ఇది ఒక ఇమేజినరీ వరల్డ్‌లా ఉంటుంది. మ్యూజిక్ డైరెక్టర్ అజినీస్, ఆర్ డైరెక్టర్ శివకుమార్, కెమెరామెన్స్ వేణు- ప్రజ్వల్, ఫైట్ మాస్టర్స్ రవివర్మ- థ్రిల్లర్ మంజు ఇలా అందరూ వచ్చి నా విజన్‌కి హెల్ప్ చేశారు. రేష్మ అద్భుతంగా పెర్ఫార్మ్ చేసింది. తనకి చాలా మంచి ఫ్యూచర్ ఉంటుంది. రాంబాబు గారు అన్ని సాంగ్స్ బ్రహ్మాండంగా రాశారు. పార్థసారథి గారు ఈ సినిమాని ఒక తెలుగు సినిమాలాగే ప్రజెంట్ చేశారు. నేను చూసుకున్నప్పుడు కన్నడ ఒరిజినలా తెలుగు ఒరిజినలా అనే డౌట్ వచ్చింది.
నాకు చిరంజీవి, అల్లు అరవింద్‌గార్ల ఫ్యామిలీలతో 30 ఏళ్లుగా అనుబంధం ఉంది. చిరంజీవిగారితో ఒక సినిమా చేయాలని వన్ ఇయర్ ట్రావెలయ్యాను. అప్పుడే తెలుగు ఇండస్ట్రీ స్పెషాలిటీ అర్థమైంది. ఇక్కడ చాలా కష్టపడి ఎన్నో వెర్షన్స్ రాసి ఒక సీను తీస్తారు. ఇక్కడ చాలా నేర్చుకున్నాను. అల్లు అరవింద్ గారు ఈ సినిమాని తెలుగులో రిలీజ్ చేస్తున్నారు. అది మాకు చాలా స్పెషల్. యుఐ సినిమా ఒక మెటఫరికల్‌గా ఉంటుంది. ఇందులో సింబాలిజం ఉంటుంది. ఆడియన్స్ మీద కాన్ఫిడెన్స్‌తో ఈ సినిమాని చేశాను. ఈ సినిమాని మీరందరూ డీకోడ్ చేస్తారు. కల్ట్ అనేది ఆడియన్స్‌లోనే ఉంది. నా ధైర్యం ప్రేక్షకులే. సినిమా ఓపెనింగ్ నుంచే షాక్ అవుతారు. మీరు మైథలాజికల్ కల్కి చూశారు. ఇందులో సైకలాజికల్ కల్కి చూస్తారు. ఖచ్చితంగా ఈ సినిమా ఆడియన్స్ కి ఓ కొత్త ఎక్స్‌పీరియన్స్ ఇస్తుంది’’ అని చెప్పుకొచ్చారు.