Nindha: గానామాస్ స్పెషల్ స్కూల్ కిడ్స్ వదిలిన ‘సంకెళ్లు’ పాట..
ABN, Publish Date - May 25 , 2024 | 04:51 PM
వరుణ్ సందేశ్ హీరోగా నటిస్తోన్న తాజా చిత్రం ‘నింద’. ది ఫెర్వెంట్ ఇండీ ప్రొడక్షన్స్ బ్యానర్‌పై రాజేష్ జగన్నాధం దర్శకత్వంలో ఈ చిత్రం రాబోతోంది. కాండ్రకోట మిస్టరీ అనే క్యాప్షన్‌తో యదార్థ సంఘటనల ఆధారంగా ఈ మూవీ తెరకెక్కుతోంది. ఈ సినిమాకు సంబంధించి ఇప్పటికే విడుదల చేసిన గ్లింప్స్, టీజర్ మంచి స్పందనను రాబట్టుకోగా.. తాజాగా ఈ సినిమాలోని ‘సంకెళ్లు’ అనే లిరికల్ సాంగ్‌ని మేకర్స్ వదిలారు.
చాలా గ్యాప్ తర్వాత హీరో వరుణ్ సందేశ్ (Vaun Sandesh) చేస్తున్న చిత్రం ‘నింద’ (Nindha). ది ఫెర్వెంట్ ఇండీ ప్రొడక్షన్స్ బ్యానర్‌పై రాజేష్ జగన్నాధం (Rajesh Jagannadham) దర్శకత్వంలో ఈ చిత్రం రాబోతోంది. కాండ్రకోట మిస్టరీ అనే క్యాప్షన్‌తో యదార్థ సంఘటనల ఆధారంగా ఈ మూవీ తెరకెక్కుతోంది. ఈ సినిమాకు సంబంధించి ఇప్పటికే విడుదల చేసిన గ్లింప్స్, టీజర్ మంచి స్పందనను రాబట్టుకుని సినిమాపై అంచనాలు ఏర్పడేలా చేసిన విషయం తెలిసిందే. తాజాగా మూవీ మ్యూజికల్ ప్రమోషన్స్‌ని మేకర్స్ స్టార్ట్ చేశారు. గానామాస్ స్పెషల్ స్కూల్‌కి (Ganamas Foundations) చెందిన పిల్లలు ఈ సినిమాలోని ‘సంకెళ్లు’ (Sankellu Lyrical Song) అంటూ సాగే పాటను విడుదల చేశారు.
*Rao Ramesh: బర్త్‌డే స్పెషల్.. ‘పుష్ప 2’ సిండికేట్ సిద్ధప్ప లుక్ విడుదల
ఈ పాటకు కిట్టు విస్సాప్రగడ రాసిన సాహిత్యం, సంతు ఓంకార్ ఇచ్చిన బాణీ.. శ్రీరామచంద్ర (SreeramaChandra) పాడిన తీరు మెస్మరైజింగ్‌ ఉంది. పాటను వింటే ఉత్తేజభరితంగా, ఆలోచనరేకెత్తించేలా ఉంది. ప్రస్తుతం ఈ పాట టాప్‌లో ట్రెండ్ అవుతోంది. శ్రేయారాణి, ఆనీ, క్యూ మధు కథానాయికలుగా నటిస్తున్న ఈ చిత్రంలో తనికెళ్ల భరణి, భద్రమ్, సూర్యకుమార్, చత్రపతి శేఖర్, మైమ్ మధు, సిద్ధార్థ్ గొల్లపూడి కీలక పాత్రల్లో కనిపించనున్నారు. ఈ చిత్రంలో శ్రీరామసిద్ధార్థ కృష్ణ కీలక పాత్రలో నటిస్తున్నారు. ప్రస్తుతం నిర్మాణానంతర కార్యక్రమాలు జరుపుకుంటోన్న ఈ చిత్ర విడుదల తేదీని త్వరలోనే మేకర్స్ ప్రకటించనున్నారు. (Sankellu Lyrical Song From Nindha Out)
Read Latest Cinema News