Devara: వినగానే ఆ పాటే గుర్తొస్తోంది.. ‘దేవర’ దావూదీ పాట ఎలా ఉందంటే..

మ్యాన్ ఆఫ్ మాసెస్ ఎన్టీఆర్ (Man of Masses NTR) టైటిల్ పాత్ర‌లో న‌టిస్తోన్న భారీ బ‌డ్జెట్ పాన్ ఇండియా చిత్రం ‘దేవర’ (Devara). కొర‌టాల శివ ద‌ర్శ‌క‌త్వంలో తెర‌కెక్కుతోన్న ఈ చిత్రం రెండు భాగాలుగా ప్రేక్షకుల ముందుకు రానుంది. నంద‌మూరి క‌ళ్యాణ్ రామ్ స‌మ‌ర్ప‌ణ‌లో ఎన్టీఆర్ ఆర్ట్స్‌, యువ సుధ ఆర్ట్స్ ప‌తాకాల‌పై మిక్కిలినేని సుధాక‌ర్‌, హ‌రికృష్ణ‌.కె ఈ సినిమాను గ్రాండ్‌గా భారీ బడ్జెట్‌తో నిర్మిస్తున్నారు. బాలీవుడ్ బ్యూటీ జాన్వీ క‌పూర్ (Janhvi Kapoor) హీరోయిన్‌గా న‌టిస్తోన్నఈ చిత్రంలో మ‌రో బాలీవుడ్ స్టార్ సైఫ్ అలీఖాన్ కీల‌క పాత్ర‌లో అల‌రించ‌బోతున్నారు. తాజాగా ఈ చిత్రానికి సంబంధించిన మూడో పాటను వీడియో సాంగ్‌గా మేకర్స్ విడుదల చేశారు.

Also Read- Ram Charan: రామ్ చరణ్ భారీ విరాళం.. ఇప్పటి వరకు ఎవరెవరు ఎంతెంత విరాళం ఇచ్చారంటే..

ఈ సినిమాకు సంబంధించి ఇప్ప‌టికే విడుద‌లైన ‘ఫియర్ సాంగ్..’, ‘చుట్టమల్లె..’ సాంగ్స్ మంచి స్పందనను రాబ‌ట్టుకోవ‌ట‌మే కాకుండా సినిమాపై ఉన్న అంచ‌నాల‌ను నెక్ట్స్ రేంజ్‌కు తీసుకెళ్లాయి. సంగీత ద‌ర్శ‌కుడు అనిరుద్ ర‌విచంద‌ర్ సైతం ట్వీట్స్‌తో అంచ‌నాల‌ను పెంచేస్తున్నారు. ఈ నేప‌థ్యంలో మేక‌ర్స్ ఈ చిత్రం నుంచి ‘దావూదీ’ అనే వీడియో సాంగ్‌ను విడుద‌ల చేశారు. ఎన్టీఆర్ డాన్స్ గురించి ఆడియెన్స్‌కు ప్ర‌త్యేకంగా చెప్ప‌న‌క్క‌ర్లేదు. మ‌రోసారి ఈ పాట‌లో తార‌క్ డాన్స్ ఎన‌ర్జిటిక్‌ పెర్ఫామెన్స్‌తో అద‌ర‌గొట్టేశారు. దీంతో ఈ పాట సినిమాపై అంచ‌నాల‌ను నెక్ట్స్ లెవ‌ల్‌కు తీసుకెళ్లేలా ఉంది. అనిరుద్ కంపోజ్ చేసిన ట్యూన్ ప్ర‌తీ ఒక్క‌రినీ డాన్స్ చేసేలా చేస్తోంది కానీ.. ఈ పాట వినగానే ‘బీస్ట్’ సినిమాలోని ‘అరబిక్ కుతు- మలమ పిత పితా’ని తలపిస్తుండటం గమనార్హం. బహుశా ‘బీస్ట్’ సినిమాకు కూడా అనిరుద్ రవిచందరే సంగీతం అందించడం వల్ల అలా అనిపిస్తుందేమో.. (Devara Daavudi Video Song)

ఇక పాట విషయానికి వస్తే.. ఈ పాటను అనిరుద్ పెప్పీ బీట్‌గా స్వరపరిచారు. రామజోగ‌య్య శాస్త్రి తెలుగులో రాసిన ఈ పాట‌ను త‌మిళంలో విఘ్నేష్ శివ‌న్‌, హిందీలో కౌస‌ర్ మునీర్, క‌న్న‌డ‌లో వ‌ర‌ద‌రాజ్ చిక్‌బ‌ల్లాపుర‌, మ‌ల‌యాళంలో మాన్‌కొంబు గోపాల‌కృష్ణ రాశారు. ఈ పాట పాడిన వారి విష‌యానికి వ‌స్తే న‌క‌ష్ అజీజ్‌, ఆకాశ తెలుగు, హిందీ, క‌న్న‌డ భాష‌ల్లో ఆల‌పించారు. న‌క‌ష్ అజీజ్‌, ర‌మ్యా బెహ్రా త‌మిళ‌, మ‌ల‌యాళంలో పాట‌ను పాడారు. ఎన్టీఆర్ గ్రేస్, జాన్వీ మైమరపించే అందాలతో వచ్చిన ఈ పాటను ఫ్యాన్స్ ఎలా రిసీవ్ చేసుకుంటారో చూడాలి. ఈ అమేజింగ్ సినిమాటిక్ ఎక్స్ హై యాక్షన్ థ్రిల్లర్‌ను రెండు భాగాలుగా తెరకెక్కిస్తున్నారు. మొదటి భాగం ‘దేవర: పార్ట్ 1’ను తెలుగు, తమిళ, హిందీ, మలయాళ, కన్నడ భాషల్లో సెప్టెంబర్ 27న విడుదల చేయనున్నారు.

Read Latest Cinema News