Subham: ఆసక్తికరంగా సమంత 'శుభం' ట్రైలర్

హీరోయిన్  సమంత నిర్మాతగా వ్యవహరించిన మొదటి  చిత్రం ‘శుభం’ (Subham Trailer). సి.మల్గిరెడ్డి, శ్రియ కొంఠం, చరణ్‌ పెరి, షాలిని కొండేపూడి, గవిరెడ్డి శ్రీనివాస్‌ తదితరులు ప్రధాన పాత్రల్లో నటించారు. ‘సినిమా బండి’ ఫేమ్‌ ప్రవీణ్‌ కండ్రేగుల ఈ చిత్రానికి దర్శకత్వం వహించారు. మే 9న ఈ సినిమా విడుదల కానుంది. ఈనేపథ్యంలోనే తాజాగా ‘శుభం’ ట్రైలర్‌ను సమంత షేర్‌ చేసింది. ముగ్గురు స్నేహితుల జీవిత కథగా ఈ సినిమా రూపొందినట్లు తెలుస్తోంది. వాళ్ల భార్యలు సీరియల్‌కు అలవాటు పడటం.. ఆ తర్వాత దెయ్యాలు పట్టడం వంటి సన్నివేశాలతో సిద్ధమైన ట్రైలర్‌ ఆద్యంతం నవ్వులు పూయించేలా ఉంది.