Tollywood: ఇవేం డ్యాన్స్‌లు.. తీరు మారకపోతే కష్టమే
ABN, Publish Date - Jan 04 , 2025 | 06:53 AM
కనీసం 'పుష్ప 2' సినిమాలో వాళ్ళు ఏజ్ సేమ్. కానీ.. డాకులో లో హీరోయిన్ వయసు హీరో వయసు కంటే సగం తక్కువ. ఈ నేపథ్యంలోనే తీవ్ర విమర్శలు వస్తున్నాయి.
ప్రస్తుతం టాలీవుడ్ సినిమాల్లోని డ్యాన్స్ కొరియోగ్రాఫీపై వీపరీతమైన చర్చ జరుగుతోంది. ముఖ్యంగా సినిమాలు గ్లోబల్ అయ్యాక.. స్టార్ హీరోల డ్యాన్స్ ల పై విపరీతమైన ట్రోల్స్ వస్తున్నాయి. అయితే సినిమా గ్లోబల్ అయ్యాక కొరియోగ్రాఫీలోను మార్పులు వచ్చాయి. కానీ.. దిగాజారిపోయిన మార్పులే తీవ్ర సమస్యగా మారాయి. తాజాగా వచ్చిన నందమూరి బాలకృష్ణ 'డాకు మహారాజ్' సినిమాలోని ఓ పాట మరోసారి ఈ చర్చకు దారి తీసింది. ఇంతకీ ఏం జరిగిందంటే..
గతేడాది హరీష్ శంకర్ దర్శకత్వంలో రవితేజ నటించిన 'మిస్టర్ బచ్చన్' సినిమాలో 'సితార్' సాంగ్ లో రవితేజ హీరోయిన్ ప్యాకెట్స్ లో చేతులు పెట్టడం, నడుముపై కొట్టడం లాంటి మూవ్స్ పై నెటిజన్లు తీవ్ర అభ్యంతర వ్యక్తం చేశారు. అలాగే హీరో కంటే హీరోయిన్ వయసు సగం తక్కువ ఉండటం కొసమెరుపు.
గత నెలలో రిలీజ్ అయిన 'పుష్ప 2' మూవీలోని పీలింగ్స్ సాంగ్ డాన్స్ లు కూడా చాలా ఎబ్బెట్టుగా ఉన్నాయి. ముఖ్యంగా రష్మీక ఇచ్చిన కొన్ని డాన్స్ మూమెంట్స్ ఆశ్లీలంగా ఉన్నాయనే చర్చ నడిచింది. తాజాగా దబిడి దిబిడి అంటూ డాకూ మహరాజ్ చిత్రం లోని పాట పై కూడా కొరియోగ్రాఫీ పై విమర్శలు వినిపిస్తున్నాయి. బాలకృష్ణ ఫేమస్ డైలాగ్స్ తో ఈ పాటను రాసిన విధానం ఆకట్టుకునేలా ఉన్నా..ఊర్వశీ రౌతేలా తో బాలకృష్ణ చేసిన కొన్ని నాటు మూమెంట్స్ నెటిజెన్స్ నుంచి నెగిటివ్ రియాక్షన్స్ ను తీసుకువస్తోంది. సేమ్ అదే ప్యాకెట్స్ లో చేతులు పెట్టడం, నడుముపై కొట్టడం. కనీసం పుష్ప 2 సినిమాలో వాళ్ళు ఏజ్ సేమ్. కానీ.. డాకులో లో హీరోయిన్ వయసు హీరో వయసు కంటే సగం తక్కువ. ఈ నేపథ్యంలోనే తీవ్ర విమర్శలు వస్తున్నాయి. అయితే పైన మాట్లాడుకున్న ఈ మూడు పాటలకు శేఖర్ మాస్టర్ కొరియోగ్రాఫీ సమకూర్చడం గమనార్హం.