Gopichand: మళ్ళీ రిపీట్ అవుతున్న 'సీటీమార్' కాంబో

గతంలో గోపీచంద్ తో 'సీటీమార్' చిత్రాన్ని నిర్మించిన శ్రీనివాస చిట్టూరి, ఇప్పుడు సంకల్ప్ రెడ్డి దర్శకత్వంలో గోపీచంద్ హీరోగా ఓ కొత్త సినిమాను ప్రారంభించారు.

ప్రముఖ నిర్మాత శ్రీనివాస చిట్టూరి (Srinivasa Chitturi) మరో కొత్త చిత్రానికి శ్రీకారం చుట్టారు. సమంత (Samantha) తో 'యూ టర్న్' (U Turn) మూవీని తెలుగులో పునర్ నిర్మించిన ఆయన ఆ తర్వాత 'సీటీమార్, వారియర్, కస్టడీ, స్కంద, నా సామిరంగ' వంటి చిత్రాలను నిర్మించారు. ఊర్వశీ రౌతేలా (Urvashi Rautela) నాయికగా ఆయన నిర్మించిన 'బ్లాక్ రోజ్' విడుదల కావాల్సి ఉంది. ఇదిలా ఉంటే... తన 'సీటీమార్' కథానాయకుడు గోపీచంద్ తోనే శ్రీనివాస చిట్టూరి ఇప్పుడీ సినిమా తీస్తున్నారు. దీనికి పవన్ కుమార్ సమర్పకుడిగా వ్యవహరిస్తున్నారు. ఈ సినిమాకు 'ఘాజీ' (Ghazi) తో జాతీయ స్థాయిలో గుర్తింపును, అవార్డును పొందిన సంకల్ప్ రెడ్డి (Sankalp Reddy) దర్శకత్వం వహిస్తున్నారు. 'ఘాజీ' ఘన విజయం తర్వాత సంకల్ప్ రెడ్డి తెరకెక్కించిన 'అంతరిక్షం' (Antariksham 9000 KMPH), హిందీ సినిమా 'ఐబి 71' (IB 71) ఆశించిన స్థాయిలో ఆడలేదు.

Also Read: Pawan Kalyan: చిరంజీవి మూవీ ప్లేస్ లో పవన్ సినిమా

ఇప్పుడు గోపీచంద్, సంకల్ప రెడ్డి కాంబోలో భారీ స్థాయి హిస్టారికల్ ఎపిక్ మూవీని నిర్మించబోతున్నట్టు శ్రీనివాస చిట్టూరి తెలిపారు. ఈ చిత్ర ప్రారంభోత్సవానికి మూవీ కోర్ టీమ్, ప్రత్యేక అతిథులు హాజరయ్యారు. గతంలో వాటర్ బ్యాక్ డ్రాప్ లో 'ఘాజీ'ని, స్పేస్ బ్యాక్ డ్రాప్ లో 'అంతరిక్షం'ను, స్కై బ్యాక్ డ్రాప్ లో 'ఐ.బి. 71' చిత్రాలను రూపొందించిన సంకల్ప్ రెడ్డి ఇప్పుడీ తాజా ప్రాజెక్ట్ లో ఫైర్ ఎలిమెంట్ ని క్రియేటివ్ గా ఎక్స్ ఫ్లోర్ చేయబోతున్నట్టు చెప్పారు. భారతీయ చరిత్రలోని కీలకమైన, మర్చిపోలేని ఓ సంఘటనను విజువల్ వండర్ గా ప్రజెంట్ చేయబోతున్నట్టు తెలిపారు. 7వ శతాబ్దంలో జరిగిన ఓ ప్రధానమైన, ఇంకా అన్వేషించబడని చారిత్రక సంఘటన ఆధారంతో ఈ సినిమా రూపుదిద్దుకుంటోందని అన్నారు. భారతీయ వారసత్వం మర్చిపోయిన అధ్యాయానికి ఇది జీవం పోస్తుందని చెప్పారు. మణికంథన్ ఎస్ డీవోపీగా వర్క్ చేయబోతున్న ఈ సినిమాకు పృథ్వీ మాస్టర్ యాక్షన్ కొరియోగ్రాఫర్.

Also Read: Old Love Birds: 18 యేళ్ళ తర్వాత...

మరిన్ని సినిమా వార్తల కోసం ఇక్కడ క్లిక్ చేయండి