Vijay Kanishka: ‘కలవరం’ మొదలైంది
ABN, Publish Date - Jan 05 , 2025 | 07:46 AM
తమిళ దర్శకుడు విక్రమన్ కుమారుడు విజయ్ కనిష్క(Vijay Kanishka), గరిమ చౌహన్ (garima Chowhan) హీరోహీరోయిన్లుగా సిఎల్ఎన్ మీడియా పతాకంపై హనుమాన్ దర్శకత్వంలో వస్తున్న సినిమా 'కలవరం' (Kalavaram).
తమిళ దర్శకుడు విక్రమన్ కుమారుడు విజయ్ కనిష్క(Vijay Kanishka), గరిమ చౌహన్ (garima Chowhan) హీరోహీరోయిన్లుగా సిఎల్ఎన్ మీడియా పతాకంపై హనుమాన్ దర్శకత్వంలో వస్తున్న సినిమా 'కలవరం' (Kalavaram). లవ్ స్టోరీ తో పాటు ఒక డిఫరెంట్ కాన్సెప్ట్ తో వస్తున్న థ్రిల్లర్ ఎలిమెంట్స్ తో ఈ సినిమాని తెరకెక్కిస్తున్నారు. శనివారం ఈ సినిమాకి పూజా కార్యక్రమాలతో చదలవాడ శ్రీనివాసరావు, సి కళ్యాణ్ చేతుల మీదుగా ఘనంగా ప్రారంభించారు. చదలవాడ శ్రీనివాసరావు గారు మాట్లాడుతూ : ఈ సినిమా కథ నాకు ముందే తెలుసు. బాలచందర్, భాగ్య రాజా వంటి క్రియేటివ్ డైరెక్టర్స్ తీయగలిగే మంచి కథ ఉన్న సినిమా. ఇప్పటిదాకా చిన్న సినిమాలను పట్టించుకున్న ప్రభుత్వం లేదు. ఇప్పుడున్న ఈ రెండు తెలుగు రాష్ట్రాల ప్రభుత్వాలైన చిన్న సినిమాలకు తోడ్పాటు కల్పించాలి. చిన్న సినిమాలకి షోలు ఎక్కువ ఇవ్వడం ఈ విధంగా మినీ థియేటర్లు కట్టి సపోర్ట్ ఇవ్వాలి. కలవరం చాలా మంచి టైటిల్. ఈ సినిమా మంచి సక్సెస్ అయ్యి హీరో హీరోయిన్ల కి మూవీ టీంకి మంచి పేరు తీసుకురావాలని మనస్పూర్తిగా కోరుకుంటున్నాను'' అన్నారు.
దర్శకుడు హనుమాన్ వాసంశెట్టి మాట్లాడుతూ " ఈ కథ చెప్పిన వెంటనే నచ్చి సపోర్ట్ చేసి మనం ఈ సినిమా చేస్తున్నాం అని నిర్మాత శోభ రాణి చెప్పారు. వెంటనే చెన్నై వెళ్లి హీరో కి కథ చెప్పాము. హీరో విజయ్ కనిష్క వెంటనే అంగీకరించారు. నన్ను నా కథని నమ్మి నాకే అవకాశం ఇచ్చిన శోభ రాణి గారికి హీరో విజయ్ కనిష్క గారికి కృతజ్ఞతలు తెలియజేసుకుంటున్నాను" అన్నారు.
హీరో విజయ్ కనిష్క మాట్లాడుతూ : మా నాన్నగారు విక్రమన్ తమిళ్ లో ఎన్నో సినిమాలు దర్శకత్వం వహించారు. తెలుగులో వసంతం, చెప్పవే చిరుగాలి వంటి సినిమాలు కూడా దర్శకత్వం వహించారు. నా మొదటి సినిమా 'హిట్ లిస్ట్' చూసిన ప్రతి ఒక్కరూ తండ్రి పేరు నిలబెట్టారు అన్నారు. ఆ మాట నాకు చాలా ఆనందం ఇచ్చింది. ఇప్పుడు ఈ కలవరం కథ విన్నాక అంతకంటే ఎక్కువ ఎక్సైట్ అయ్యాను. శోభ గారు డైరెక్టర్ హనుమాన్ గారు మంచి ప్యాషన్ తో ఈ కథని నాకు వినిపించారు. ఈ సినిమా సక్సెస్ అయితే ఇలాంటి మంచి సినిమాలు కొత్త టాలెంట్ ఇంకా ఎంతోమంది మీ ముందుకు వస్తారు. ఈ సినిమా ప్రేక్షకులందరికీ కచ్చితంగా నచ్చుతుంది అని నమ్మకంతో ఉన్నాను" అన్నారు.
నిర్మాత శోభారాణి గారు మాట్లాడుతూ "కలవరం అనే టైటిల్ ఈ సినిమాకి పర్ఫెక్ట్ గా సెట్ అవుతుంది. శశాంక్ ఇచ్చిన కథ అలాగే డైరెక్టర్ హనుమాన్ ఈ సినిమా స్క్రిప్ట్ కోసం చాలా కష్టపడ్డారు. అదే కష్టంతో ఇష్టంతో ఈ సినిమాని పూర్తి చేస్తాము. ఈ చిత్రంలో 70 మంది ఆర్టిస్టులు ఉన్నారు. వారి గురించి త్వరలోనే వివరాలు విడుదల చేస్తాము.ప్రేక్షకులు అందరూ మెచ్చే సినిమా అవుతుందని కచ్చితంగా చెప్తున్నాను అన్నారు.