Sarangapani Jathakam: హిచ్ కాక్ సినిమాను జంధ్యాల డైరెక్టర్ చేస్తే ఎలా ఉంటుందో..

వరుస హిట్లతో దూసుకుపోతోన్న ప్రియదర్శి ఇప్పుడు ‘సారంగపాణి జాతకం’ అంటూ హిట్టు కొట్టేశాడు. శ్రీదేవీ మూవీస్ బ్యానర్ మీద శివలెంక కృష్ణ ప్రసాద్ నిర్మాణంలో ఇంద్రగంటి మోహనకృష్ణ దర్శకత్వంలో తెరకెక్కిన ఈ చిత్రం ఏప్రిల్ 25న ఆడియెన్స్ ముందుకు వచ్చింది.

వరుస హిట్లతో దూసుకుపోతోన్న ప్రియదర్శి (Priya darshi)ఇప్పుడు ‘సారంగపాణి జాతకం’ (Sarangapani Jathakam) అంటూ హిట్టు కొట్టేశాడు. శ్రీదేవీ మూవీస్ బ్యానర్ మీద శివలెంక కృష్ణ ప్రసాద్ నిర్మాణంలో ఇంద్రగంటి మోహనకృష్ణ (indraganti Mohan Krishna) దర్శకత్వంలో తెరకెక్కిన ఈ చిత్రం ఏప్రిల్ 25న ఆడియెన్స్ ముందుకు వచ్చింది. ‘సారంగపాణి జాతకం’ సినిమాకు మంచి మౌత్ టాక్ వచ్చింది. దీంతో శనివారం నాడు సెలెబ్రిటీల కోసం ప్రత్యేకంగా షోను ఏర్పాటు చేసింది చిత్రయూనిట్. ఈ సెలెబ్రిటీ షోలో ఎం ఎస్ రాజు, హరీష్ శంకర్, సాయి రాజేష్, సుధీర్ బాబు, కోన వెంకట్, ఈషా రెబ్బా, బీవీఎస్ రవి, సినిమా టీం అంతా కూడా సందడి చేశారు. చిత్ర బృందాన్ని ప్రశంసించారు 

హరీష్ శంకర్ మాట్లాడుతూ ‘‘సారంగపాణి జాతకం’ సినిమా చూసిన తరువాత నాకు జంధ్యాల, ఈవీవీ గారి చిత్రాలు గుర్తుకు వచ్చాయి. ఇంద్రగంటి రైటింగ్ అద్భుతంగా అనిపించింది. ఈ మధ్య కాలంలో ఇంత మంచి చిత్రం రాలేదు. డైలాగ్స్ అద్భుతంగా ఉన్నాయి. సమ్మర్‌లో నిమ్మసోడ లాంటి ఓ మంచి చిత్రం. హిచ్ కాక్ గారి సినిమాను జంధ్యాల గారు డైరెక్టర్ చేస్తే ఎలా ఉంటుందో.. ‘సారంగపాణి జాతకం’ అలా ఉంటుంది. ప్రియదర్శి, రూపా, వెన్నెల కిషోర్, వైవా హర్ష ఇలా ప్రతీ ఒక్క పాత్ర అందరినీ ఆకట్టుకుంటుంది.  ఈ మూవీని ఆడియెన్స్ మరింత సక్సెస్ చేయాలని కోరుకుంటున్నాను’ అని అన్నారు.

సుధీర్ బాబు మాట్లాడుతూ .. ‘‘సారంగపాణి జాతకం’ చూస్తే నాకు క్లాసిక్ చిత్రమైన ‘మైఖేల్ మదన కామరాజు’ లాంటి చిత్రం గుర్తుకు వచ్చింది. ఈ సినిమాను అందరూ తప్పకుండా చూడాలి. కడుపుబ్బా నవ్వుకునేలా ఈ సినిమాను గొప్పగా తీశారు. ఇదీ మన సినిమా అనే రేంజ్‌లో ‘సారంగపాణి జాతకం’ ఉంటుంది’ అని అన్నారు.