Chiranjeevi: చిరు - అనిల్‌ రావిపూడి సినిమా విలన్‌ ఎవరంటే..

చిరంజీవి (Chiranjeevi), అనిల్‌ రావిపూడి (Anil Ravipudi) కాంబినేషన్‌లో ఓ సినిమా తెరకెక్కుతున్న సంగతి తెలిసిందే! అయితే ఈ చిత్రానికి సంబంధించిన ఓ వార్త నెట్టింట వైరల్‌ అవుతోంది.

చిరంజీవి (Chiranjeevi), అనిల్‌ రావిపూడి (Anil Ravipudi) కాంబినేషన్‌లో ఓ సినిమా తెరకెక్కుతున్న సంగతి తెలిసిందే! అయితే ఈ చిత్రానికి సంబంధించిన ఓ వార్త నెట్టింట వైరల్‌ అవుతోంది. ఈ సినిమాలో విలన్‌గా యువ హీరో కార్తికేయ (Karthikeya) నటిస్తున్నాడన్నది టాక్‌. ‘గాడ్‌ ఫాదర్‌’లోనూ చిరు ఇలాంటి ప్రయత్నమే చేశాడు. ఆ సినిమాలో సత్యదేవ్‌ విలన్‌గా నటించాడు. చిరుకి సత్యదేవ్‌ పెద్ద అభిమాని. కాబట్టి సత్యదేవ్‌కి ఆ రూపంలో ఓ ఫ్యాన్‌ బోయ్‌ మూమెంట్‌ ఇచ్చారు చిరంజీవి. అనిల్‌ రావిపూడి సినిమా విషయానికొస్తే.. కార్తికేయ కూడా చిరంజీవికి వీరాభిమానే. ఈ విషయం చాలా సందర్భాల్లో చెప్పాడు. ఓ స్టేజ్‌పై చిరు పాటకు ఆయన ముందే స్టెప్పులు వేసి, ఆయన మరింత దగ్గరయ్యాడు. అందుకే చిరు సినిమాలో కార్తికేయ విలన్‌ అనేసరికి ఇంట్రస్ట్‌ క్రియేట్‌ అయింది.

ఈ విషయంలో టీమ్‌ సైలెంట్‌గా ఉంది. ‘కార్తికేయ చేస్తున్నాడు’ అని ఎక్కడా అనలేదు. ‘చేయట్లేదు’ అని తెలపలేదు. చిత్రబృందమే ఈ విషయాన్ని కావాలని లీక్‌ చేసిందేమో అని టాక్‌ నడుస్తోంది. తమ మనసులో మాటని మీడియాకు లీక్‌ చేసి, ఆ తరవాత వచ్చే రియాక్షన్‌ చూసి అప్పుడు నిర్ణయం తీసుకోవడం కొన్ని సినిమాలకు జరుగుతూ ఉంటుంది. అలా ఈ ఆప్షన్‌ని బయటకు తీసుకొచ్చారేమోనని టాక్‌ నడుస్తోంది. మరోవైపు ఈ చిత్ర బృందం కార్తికేయను సంప్రదించలేదని సమాచారం. ఇంతకు ముందు తమిళంలో అజిత్‌ సినిమాలో కార్తికేయ నటించి మంచి గుర్తింపు పొందారు. ఆ తర్వాత నాని ‘గ్యాంగ్‌ లీడర్‌’లోనూ విలన్‌గా నటించారు కార్తికేయ. చిరుతో సినిమాగానీ ఓకే అయితే.. ఇక కార్తికేయ కెరీర్‌ సెటిలైపోయినట్టే అని టాక్‌ నడుస్తోంది.