Thala Movie: ‘తల’ మూవీ ‘ప్రేమ కుట్టిందంటే’ లిరికల్ వీడియో సాంగ్ విడుదల
ABN, Publish Date - Feb 08 , 2025 | 09:24 PM
1/5
అమ్మ రాజశేఖర్ దర్శకత్వంలో ఆయన తనయుడు అమ్మ రాగిన్ రాజ్ హీరోగా రూపుదిద్దుకుంటోన్న చిత్రం ‘తల’. రీసెంట్‌గా మక్కల్ సెల్వన్ విజయ్ సేతుపతి చేతుల మీదుగా విడుదలైన ఈ మూవీ తమిళ్, తెలుగు ట్రైలర్‌కు మంచి స్పందనను రాబట్టుకున్న విషయం తెలిసిందే.
2/5
ట్రైలర్‌కు వస్తున్న స్పందనతో హ్యాపీగా ఉన్న టీమ్.. తాజాగా ఈ చిత్రం నుంచి ‘ప్రేమ కుట్టిందంటే’ అనే లిరికల్ వీడియో సాంగ్‌ను విడుదల చేశారు. పాట వినగానే ఇమ్మీడియెట్‌గా కనెక్ట్ అయ్యేలా ఉంది.
3/5
బిగ్ బాస్ ఫేమ్ ఎనర్జిటిక్ సింగర్ భోలే షావలీ పాడిన ఈ గీతాన్ని మ్యూజిక్ డైరెక్టర్ ధర్మతేజ రాశాడు. విశేషం ఏంటంటే.. ఈ పాటను తమిళ్‌లో మల్టీ టాలెంటెడ్ లెజెండరీ పర్సనాలిటీ టి రాజేందర్ పాడారు. ఇలాంటి హుషారైన గీతాలకు టి. రాజేందర్ పెట్టింది పేరు. అందుకే ఈ పాట తమిళ్‌లోనూ ఊపేస్తోంది.
4/5
ప్రధానంగా ఈ పాటను కమెడియన్ ముక్కు అవినాష్‌పై చిత్రీకరించారు. ప్రేమలో పడితే ఎదురయ్యే సమస్యలు, కష్టాలు ఎలా ఉంటాయో అతను వివరిస్తున్నట్టుగా ఉంది సాహిత్యం. రణం చిత్రంలో అలీపై చిత్రీకరించిన ‘నమ్మొద్దు నమ్మొద్దూ ఆడవాళ్లను నమ్మొద్దూ’ అనే పాట ఎంత పెద్ద హిట్ అయిందో అంతకు మించిన హిట్ అయ్యేలా ఈ పాటను రూపొందించారు.
5/5
‘చీమ ఎక్కడ కుడితే అక్కడే మంట పుడుతుందయా.. దోమ కుట్టిందంటే వస్తుంది మలేరియా.. కానీ ప్రేమ కుట్టిందంటే పిచ్చెక్కిపోతుందయా’ అంటూ మొదలైన ఈ పాట.. ఈ తరం యూత్‌కు బాగా నచ్చేలా ఉంది సాహిత్యం. ఈ చిత్రాన్ని ఈ నెల 14న వాలెంటైన్స్ డే సందర్భంగా విడుదల చేయబోతున్నారు.
Updated at - Feb 08 , 2025 | 09:24 PM