Bhavani Ward 1997: చిన్న చిత్రాల్లో పెద్ద సౌండ్ చేసే చిత్రమిది..
ABN, Publish Date - Feb 04 , 2025 | 10:19 PM
1/7
హారర్, సస్పెన్స్, థ్రిల్లర్ కాన్సెప్ట్‌తో.. జీడీఆర్ మోషన్ పిక్చర్, విభూ మీడియా సమర్పణలో చంద్రకాంత సోలంకి, జీడీ నరసింహా నిర్మించిన చిత్రం ‘భవానీ వార్డ్ 1997’. ఈ మూవీకి జీడీ నరసింహా దర్శకత్వం వహించారు. గాయత్రీ గుప్తా, గణేష్ రెడ్డి, పూజా కేంద్రే, సాయి సతీష్, జబర్దస్త్ అప్పారావు, ఈశ్వర్ బాబు ధూళిపూడి తదితరులు నటించారు. ఫిబ్రవరి 7న రిలీజ్ కాబోతుండగా.. చిత్ర ప్రీ రిలీజ్ వేడుకను గ్రాండ్‌గా నిర్వహించారు.
2/7
ముఖ్య అతిథిగా హాజరైన నిర్మాత రాజ్ కందుకూరి మాట్లాడుతూ.. ‘భవానీ వార్డ్ 1997’ ఈ మూవీ టైటిల్ పోస్టర్‌ను నేనే లాంఛ్ చేశాను. సాయి సతీష్ పిలవడం వల్లే నేను ఇక్కడకు వచ్చాను. సినిమా రిలీజ్ టైం దగ్గర పడుతుంటే టీంకు ఓ టెన్షన్ ఉంటుంది. ఈ సినిమాను ఎంతో కష్టపడి చేశారు. అది వీళ్ల మాటల్లోనే అర్థం అవుతోంది. ఇక ఆడియెన్స్ ఇచ్చే రిజల్ట్ కోసం వీరంతా ఎదురుచూస్తున్నారు.
3/7
వీళ్ల టెన్షన్ పోగొట్టేందుకు, మోరల్ సపోర్ట్ ఇచ్చేందుకు వచ్చాను. కంటెంట్ ఉన్న సినిమాలే ఇప్పుడు ఆడుతున్నాయి. ఈ చిత్రంలో కంటెంట్ ఉందని నేను నమ్ముతున్నాను. నాకు హారర్ చిత్రాలంటే చాలా ఇష్టం. ఈ మూవీ పెద్ద హిట్ అవ్వాలని కోరుకుంటున్నాను. చిన్న చిత్రాలే పెద్ద సౌండ్ చేస్తున్నాయి. ఇలాంటి సినిమాలకు మీడియా సపోర్ట్ ఇవ్వాలని అన్నారు.
4/7
దర్శకుడు జి.డి. నరసింహా మాట్లాడుతూ.. నిర్మాత రాజ్ కందుకూరి, సీనియర్ జర్నలిస్ట్ రాంబాబుగారి సపోర్ట్‌కు థ్యాంక్యూ. ఈ ప్రయాణంలో నాకు అండగా నిలిచిన సాయి సతీష్ థాంక్స్. మా సినిమాలో ప్రతీ ఒక్కరూ అద్భుతంగా నటించారు. గణేష్, పూజా కేంద్రే ఇలా అన్ని పాత్రలకు మంచి రెస్పాన్స్ వస్తుంది. హారర్ చిత్రాలను ఇష్టపడే వారందరికీ మా భవానీ వార్డ్ 1997 నచ్చుతుందని అన్నారు.
5/7
పర్వతనేని రాంబాబు మాట్లాడుతూ.. ‘రేవు’ సినిమా తరువాత ఈ చిత్రాన్ని చూశాను. దర్శకుడు చాలా తక్కువగా మాట్లాడతాడు. కానీ ఈ సినిమాను అద్భుతంగా తీశాడు. మా సాయి సతీష్ అద్భుతంగా నటించాడు. ఇకపై ఆర్టిస్ట్‌గా బిజీ అవుతాడేమో అని అనిపిస్తోంది. ఈ సినిమా అందరికీ మంచి సక్సెస్ ఇవ్వాలని కోరుకుంటున్నానని అన్నారు.
6/7
సాయి సతీష్ మాట్లాడుతూ.. ఇండస్ట్రీలో రాజ్ కందుకూరి గారు నాకు ఎప్పుడూ సపోర్ట్ ఇస్తూనే ఉంటారు. మా పర్వతనేని రాంబాబు అన్న నాకు బ్యాక్ బోన్‌లా వెన్నంటే ఉంటారు. ఇంత మంచి పాత్రను నాకు ఇచ్చిన మా దర్శకుడు జీడీ నరసింహకు థాంక్స్. ట్రైలర్ అందరికీ నచ్చింది. సినిమా కూడా అందరికీ నచ్చుతుంది. ఫిబ్రవరి 7న మా చిత్రం రాబోతోంది. అందరూ చూడండని అన్నారు.
7/7
గణేష్ రెడ్డి, పూజా కేంద్రే మాట్లాడుతూ.. ‘మా ఈవెంట్‌కు వచ్చిన అతిథులకు థ్యాంక్స్. మాకు అవకాశం ఇచ్చి, సపోర్ట్ చేసిన అందరికీ ధన్యవాదాలు. ఫిబ్రవరి 7న వస్తున్న ఈ సినిమాను ప్రేక్షకులు థియేటర్లలో చూసి ఘన విజయం అందించాలని కోరుతున్నామని అన్నారు. ఇంకా ఈ కార్యక్రమంలో పలువురు ప్రసంగించారు.
Updated at - Feb 04 , 2025 | 10:19 PM