Kangana Ranaut: ఆ ట్రోఫీల కంటే అతనిచ్చిన బహుమతి గొప్పది...

బాలీవుడ్‌ నటి, ఎంపీ కంగనా రనౌత్‌ స్వీయ దర్శకత్వంలో రూపొందిన చిత్రం ‘ఎమర్జెన్సీ’. ఎన్నో అంచనాల మధ్య విడుదలైన ఈ చిత్రం మిశ్రమ స్పందనకే పరిమితమైంది.

బాలీవుడ్‌ నటి, ఎంపీ కంగనా రనౌత్‌ (Kangana Ranaut0 స్వీయ దర్శకత్వంలో రూపొందిన చిత్రం ‘ఎమర్జెన్సీ’ (Emergency) . ఎన్నో అంచనాల మధ్య విడుదలైన ఈ చిత్రం మిశ్రమ స్పందనకే పరిమితమైంది. వసూళ్ల గురించి కాకుండా సినిమాకు ప్రశంసలు దక్కాయని కంగనా తరచూ చెబుతున్నారు. ఈ క్రమంలోనే తాజాగా ఆమె తమ చిత్రాన్ని ప్రశంసిస్తూ ఒక వ్యక్తి రాసిన లేఖను ఇన్‌స్టా వేదికగా షేర్‌ చేశారు. భారత మాజీ ప్రధాని ఇందిరా గాంధీ జీవితాన్ని ఆధారంగా చేసుకొని రూపొందిన చిత్రం ‘ఎమర్జెన్సీ’. ఎమర్జెన్సీ నాటి పరిస్థితులను కళ్లకు కట్టినట్లు చూపించారు. ఎన్నో వివాదాలు ఎదుర్కొని ఎట్టకేలకు జనవరి 17న ఇది థియేటర్లలో విడుదలైంది.

ఈ సినిమాపై పలువురు భిన్న అభిప్రాయాలు వ్యక్తం చేశారు. ప్రస్తుతం ఓటీటీ వేదికగా అందుబాటులో ఉన్న ఈ చిత్రంపై నిత్యానందం అనే వ్యక్తి ప్రశంసలు వర్షం కురిపించాడు. ఇలాంటి పవర్‌ఫుల్‌ సబ్జెక్ట్‌ను ఎలాంటి బెరుకు లేకుండా రూపొందించిన కంగనను మెచ్చుకున్నాడు. ఆమెకు బహుమతిగా ఒక కాంచీవరం చీరను పంపినట్లు పేర్కొన్నాడు. అతడు రాసిన లేఖను ఇన్‌స్టా వేదికగా షేర్‌ చేసిన కంగన.. ఆ బహుమతి తనకు ఎంతో విలువైందని పేర్కొన్నారు. Fan Note for Kangana) ‘‘ఎమర్జెన్సీ’ని రూపొందించినందుకు నేనొక అద్భుతమైన చీరను పొందాను. పనికిమాలిన ఆ ట్రోఫీల కంటే ఈ చీర ఎంతో ఉత్తమమైనది’’ అని రాసుకొచ్చారు.