Sai Durga Tej Gift: ఆయనలో చిన్నపిల్లాడికి ఈ గిఫ్ట్‌!
ABN, Publish Date - Jun 16 , 2024 | 01:46 PM
సార్వత్రిక ఎన్నికల్లో జనసేన అధినేత పవన్‌ కల్యాణ్‌ ఘన విజయం అందుకోవడంతో ఆయన కుటుంబ సభ్యులు, అభిమానులు, జనసైనికుల్లో ఆనందం అవధులు లేకుండా మారింది.
సార్వత్రిక ఎన్నికల్లో జనసేన అధినేత పవన్‌ కల్యాణ్‌ (Pawan kalyan) ఘన విజయం అందుకోవడంతో ఆయన కుటుంబ సభ్యులు, అభిమానులు, జనసైనికుల్లో (Janasena) ఆనందం అవధులు లేకుండా మారింది. కూటమిలో భాగంగా 21 శాసనసభ స్థానాలు, 2 లోక్‌సభ స్థానాల్లో పోటీ చేసిన జనసేన పార్టీ అన్నిచోట్లా విజయకేతనం ఎగరవేసింది. రాష్ట్ర ముఖమంత్రి చంద్రబాబు నాయుడు జనసేనానికి ఉప ముఖ్యమంత్రి పదవితోపాటు రాష్ట్ర పంచాయతీరాజ్‌, గ్రామీణాభివృద్థి, పర్యావరణ, అటవీశాఖలను కేటాయించడంతో ఆ సంతోషం డబుల్‌ అయింది.
ఈ నేపథ్యంలో చిరంజీవి సతీమణి (Surekha)సురేఖ.. పవన్‌కు అత్యంత ఖరీదైన పెన్నును బహుమతిగా ఇచ్చిన సంగతి తెలిసిందే. తాజాగా హీరో సాయి ధరమ్‌ తేజ్‌ (Sai dhaam tej) కూడా గురువుగా భావించే తన మావయ్య ఓ బహుమతి అందించారు. ఆ ఫొటోను సోషల్‌ మీడియా వేదికగా షేర్‌ చేశారు. ‘‘నాకు స్టార్‌వార్స్‌ లెగోను పరిచయం చేసింది మామయ్యే. ఆయనలోని పిల్లాడికి దాన్ని గిప్ట్‌గా ఇచ్చే అవకాశం ఇప్పటికి దక్కింది’’ అంటూ ఆనందం వ్యక్తం చేశారు తేజ్‌. ఆ గిఫ్ట్‌ ధర దాదాపు రూ. 1,30,000 ఉంటుందని అంచనా. తన మామయ్య గెలుపుతో శనివారం.. అలిపిరి నుంచి కాలినడకన తిరుమల చేరుకుని, మొక్కు తీర్చుకున్నారు సాయిదుర్గ తేజ్‌.