Namrata Shirodkar: ఆదర్శ మహిళా.. ఈ క్షణాన్ని జీవితంలో మరచిపోలేను!
ABN, Publish Date - Jul 15 , 2024 | 04:59 PM
అనంత్‌ అంబానీ (Anant Ambani) , రాధిక మర్చంట్‌ల వివాహ వేడుక అంగరంగ వైభవంగా జరిగిన విషయం తెలిసిందే. జులై 12న జరిగిన ఈ వివాహ వేడుకలో దేశ, విదేశాలకు చెందిన వ్యాపార, రాజకీయ, సినీ తదితర రంగాల ప్రముఖులు పాల్గొన్నారు.
అనంత్‌ అంబానీ (Anant Ambani) , రాధిక మర్చంట్‌ల వివాహ వేడుక అంగరంగ వైభవంగా జరిగిన విషయం తెలిసిందే. జులై 12న జరిగిన ఈ వివాహ వేడుకలో దేశ, విదేశాలకు చెందిన వ్యాపార, రాజకీయ, సినీ తదితర రంగాల ప్రముఖులు పాల్గొన్నారు. సూపర్‌స్టార్‌ మహేశ్‌బాబు(Mahesh Babu), తన సతీమణి నమ్రతా శిరోద్కర్‌(Namrata Shirodkar), కుమార్తె సితారతో (Sitara) ఈ వివాహానికి హాజరయ్యారు. అనంత్‌, రాధికల వివాహానికి సంబంధించిన కొన్ని ఆసక్తికర ఫొటోలను ఇన్‌స్టా వేదికగా నమత్ర షేర్‌ చేశారు. వాటిలో ఇన్ఫోసిస్‌ మాజీ ఛైర్‌పర్సన్‌ సుధామూర్తితో (Sudha murthy) కలిసి దిగిన ఫొటో కూడా ఉంది. ‘‘సుధామూర్తి .. ఈ ఆదర్శ మహిళ గురించి వినడమే గానీ ఎప్పుడూ కలవలేదు, తొలిసారి ఇప్పుడే కలిశాను. ఈ క్షణం నా జీవితంలో ఎప్పటికీ మరచిపోలేను. ఆమె మా ముత్తాత, నా భర్త, సితారల గురించి చెబుతుంటే ఆనందంగా అనిపించింది. ఆమె చూపించే అభిమానం ఎప్పటికీ మరువలేనిది’’ అని రాసుకొచ్చారు. వీటితో నటీమణులు నయనతార, జ్యోతిక ఫొటోలను కూడా షేర్‌ చేశారు.