Vidaamuyarchi: ‘విడాముయర్చి’ మూవీ ‘స‌వదీక‌’ లిరికల్ సాంగ్ వదిలారు

కోలీవుడ్ అగ్ర క‌థానాయ‌కుడు అజిత్‌కుమార్‌, లైకా ప్రొడ‌క్ష‌న్స్ క‌ల‌యిక‌లో మ‌గిళ్ తిరుమేని ద‌ర్శ‌క‌త్వంలో రూపొందుతోన్న ప్రతిష్టాత్మక చిత్రం ‘విడాముయ‌ర్చి’. ఈ సినిమా వ‌చ్చే 2025 సంక్రాంతికి విడుద‌లకు సిద్ధమవుతోన్న విషయం తెలిసిందే. అనౌన్స్‌మెంట్ రోజు నుంచి భారీ అంచ‌నాల‌తో రూపొందుతోన్న ఈ సినిమా కోసం అభిమానులు, సినీ ప్రేక్ష‌కులు ఎంతో ఆస‌క్తిగా ఎదురు చూస్తున్నారు. రీసెంట్‌గా విడుద‌లైన ‘విడాముయ‌ర్చి’ టీజర్ సినిమాపై భారీగా అంచనాలను పెంచేయగా.. తాజాగా ఈ మూవీ నుండి ‘స‌వదీక‌’ అనే ఫాస్ట్ బీట్ ఎన‌ర్జిటిక్ సాంగ్‌ను మేక‌ర్స్ విడుద‌ల చేశారు. యంగ్ మ్యూజిక్ సెన్సేష‌న్ అనిరుద్ ర‌విచంద‌ర్ ఈ చిత్రానికి సంగీత సార‌థ్యం వ‌హిస్తోన్న సంగతి తెలిసిందే. ఆయన త‌న‌దైన శైలిలో మ‌రో సూప‌ర్బ్ ట్యూన్‌తో స‌వ‌దీక సాంగ్‌ను కంపోజ్ చేశారు. ఆంథోని దాస‌న్ పాడిన ఈ పాట‌ను అరివు రాశారు. స్టార్ హీరోల‌తో భారీ బ‌డ్జెట్ చిత్రాల‌ను, వైవిధ్య‌మైన చిత్రాల‌తో యంగ్ టాలెంట్‌ను ఎంక‌రేజ్ చేస్తూ సినిమాల‌ను నిర్మిస్తోన్న ప్ర‌తిష్టాత్మ‌క నిర్మాణ సంస్థ లైకా ప్రొడ‌క్ష‌న్స్ బ్యాన‌ర్‌పై జి.కె.ఎం.త‌మిళ్ కుమ‌ర‌న్ నేతృత్వంలో సుభాస్క‌ర‌న్ ఈ సినిమాను నిర్మిస్తున్నారు. యాక్ష‌న్ కింగ్ అర్జున్‌, త్రిష ప్ర‌ధాన పాత్ర‌ల్లో న‌టించారు. ఇంకా ఈ చిత్రంలో ఆర‌వ్‌, రెజీనా క‌సండ్ర‌, నిఖిల్ నాయ‌ర్ త‌దిత‌రులు ఇత‌ర పాత్ర‌ల్లో మెప్పించ‌నున్నారు.

Also Read-Devi Sri Prasad: 'దమ్ముంటే పట్టుకోరా షెకావత్' వెనుక ఏం జరిగిందంటే..

Also Read-Tollywood: అల్లు అర్జున్ ఎఫెక్ట్.. ‘మా’ మంచు విష్ణు అలెర్ట్

Also Read-Jr NTR: అభిమాని కోసం ఎన్టీఆర్.. కేన్సర్‌తో పోరాడిన ఫ్యాన్

-మరిన్ని సినిమా వార్తల కోసం ఇక్కడ క్లిక్ చేయండి