Apoorva Singeetham: ట్రిబ్యూట్ టూ సింగీతం.. 'అపూర్వ సింగీతం'
ABN, Publish Date - Dec 18 , 2024 | 04:01 PM
దిగ్గజ దర్శకుడు 'సింగీతం శ్రీనివాసరావు'కు లెజండరీ నటుడు కమల్ హాసన్ ట్రిబ్యూట్‌గా చేపట్టిన కార్యక్రమం 'అపూర్వ సింగీతం'. తాజాగా విడుదల చేసిన రెండవ ఎపిసోడ్‌లో డైరెక్టర్ నాగ్ అశ్విన్, అక్కినేని అమల సందడి చేశారు.
భారతీయ చలన చిత్ర పరిశ్రమలో గర్వించదగ్గ అతి కొద్దీ గొప్ప కళాకారులలో 'సింగీతం శ్రీనివాసరావు' ఒకరు. మూస పద్దతులలో సినిమాలు తీయకుండా ప్యారలల్, ప్రయోగాత్మక చిత్రాలకు ఆయన కేరాఫ్ అడ్రస్‌గా నిలిచారు. కేవలం తెలుగు సినిమాలే కాకుండా తమిళ్, కన్నడ, హిందీ భాషల్లో ఆయన గొప్ప చిత్రాలు నిర్మించారు. ఇక సకల కళా వల్లభుడు కమల్ హాసన్‌తో ఆయన బంధం గురించి ప్రత్యేకంగా చెప్పాల్సిన అవసరం లేదు. సింగీతం సినీ పరిశ్రమకి అందించిన సేవలను గౌరవిస్తూ కమల్ హాసన్ తాజాగా ఓ డాక్యుమెంటరీని రూపొందించారు. దీనికి సంబంధించిన రెండవ ఎపిసోడ్‌ని తాజాగా రిలీజ్ చేశారు. మీరు ఓ లుక్కేయండి.