Prabhas: సారీ చెప్పిన ప్రభాస్..

పాన్‌ ఇండియా స్టార్‌ ప్రభాస్‌కు (Prabhas) వచ్చే నెల జపాన్‌లో విడుదల కానున్న కల్కి ప్రమోషన్స్‌కు హాజరు కావాల్సి ఉంది. అయితే ఇటీవల జరిగిన ఓ గాయం కారణంగా ఆయన ప్రమోషన్స్‌కు హాజరు కాలేకపోతున్నారు. తాజాగా ఆయన జపాన్ ఆడియెన్స్ కోసం ఓ ప్రత్యేక వీడియో రిలీజ్ చేశారు. ఈ వీడియోలో ప్రభాస్ పూర్తి జపనీస్‌లో మాట్లాడటం విశేషం. ప్రభాస్ మాట్లాడుతూ.. తాను అక్కడికి రాలేకపోతున్నానంటూ ఫ్యాన్స్‌కు ప్రభాస్‌ క్షమాపణలు చెప్పారు. కొత్త సినిమా షూటింగ్‌లో కాలికి స్వల్ప గాయమవ్వడం వల్ల ప్రస్తుతానికి రాలేకపోతున్నానని, త్వరలోనే కలుస్తానని ఫ్యాన్స్​కు చెప్పారు. తాను ప్రస్తుతం బాగానే ఉన్నానని అన్నారు. ప్రస్తుతం ఈ వీడియో నెట్టింట్లో వైరల్ అవుతోంది.