Pushpa 2: రికార్డులు బ్రేక్ చేస్తున్న పుష్ప.. మెగా హీరోల మౌనం
ABN, Publish Date - Nov 18 , 2024 | 07:23 PM
పుష్ప 2: ది రూల్‌’ సినిమా ట్రైలర్‌పై సినీ ప్రముఖులు ప్రశంసల జల్లు కురిపిస్తున్నారు. ‘ఇది నిజంగానే వైల్డ్‌ ఫైర్‌’ అంటూ పోస్ట్‌లు పెడుతున్నారు. అయితే మరోవైపు మెగా హీరోలు మాత్రం ఈ సినిమా ట్రైలర్‌పై మౌనం వహిస్తున్నారు. ఈ నేపథ్యం లోనే సోషల్ మీడియాలో పెద్ద రచ్చే జరుగుతోంది. ఇంతకీ జరుగుతుందంటే..
ప్రస్తుతం ఏ ఎక్కడ చూసినా పుష్ప హవానే కనిపిస్తోంది. ప్రతి ఒక్కరు ట్రైలర్‌లోని అంశాల గురించే మాట్లాడుకుంటున్నారు. భారీ అంచనాల మధ్య విడుదలైన ‘పుష్ప 2: ది రూల్‌’ ట్రైలర్ వాటిని అందుకొని మంచి వ్యూస్‌తో రికార్డులు బద్దలు కొడుతోంది. ఒకవైపు ఈ సినిమా ట్రైలర్‌పై సినీ ప్రముఖులు ప్రశంసల జల్లు కురిపిస్తున్నారు. ‘ఇది నిజంగానే వైల్డ్‌ ఫైర్‌’ అంటూ పోస్ట్‌లు పెడుతున్నారు. అయితే మరోవైపు మెగా హీరోలు మాత్రం ఈ సినిమా ట్రైలర్ పై మౌనం వహిస్తున్నారు. ఈ నేపథ్యంలోనే సోషల్ మీడియాలో పెద్ద రచ్చే జరుగుతోంది. ఇంతకీ జరుగుతుందంటే..
ఆదివారం రిలీజైన ఈ సినిమా ట్రైలర్ కేవలం ఫ్యాన్స్, సినీ ప్రేమికులను మాత్రమే కాదు దిగ్గజ సెలబ్రిటీలను సైతం కట్టిపడేసింది. అల్లు అర్జున్ తన స్వాగ్ తో అన్ని ఇండస్ట్రీలలో హీరోలను షేక్ చేశారు. ఇక ఈ ట్రైలర్ పై దర్శకధీరుడు రాజమౌళితో పాటు రిషబ్ శెట్టి, హరీష్ శంకర్, ప్రశాంత్ వర్మ, బుచ్చిబాబు, బాబీ, అనిల్ రావిపూడి మొదలగు సెలబ్రిటీలు ప్రశంసల వర్షం కురిపించారు. కానీ.. మెగా ఫ్యామిలీ నుండి ఒక్క హీరో కూడా స్పందించలేదు. కొన్ని పర్సనల్ వివాదాలతో కొణిదెల-అల్లు ఫ్యామిలీల మధ్యలో సంబంధాలు సరిగ్గా లేనట్లు తెలుస్తోంది.
కొన్ని బహిరంగ వేదికలపై ఈ రెండు ఫ్యామిలీస్ కలుస్తున్న పరిస్థితులు మాత్రం అంతంత మాత్రంగానే ఉన్నాయి. చిన్న, పెద్ద తేడా లేకుండా అడగకుండానే సినిమాలని ఎంకరేజ్ చేసే మెగాస్టార్ చిరంజీవి సైతం ఎలాంటి స్పందన ఇవ్వకపోవడం గమనార్హం. ఇక చరణ్, వరుణ్ తేజ్, సాయి ధరమ్ తేజ్ ఫ్యామిలిలో ఎవరి సినిమాల రిలీజ్ ఉన్న అందరు సందడి చేసేవారు. కానీ.. పుష్ప విషయంలో మాత్రం మౌనం వహిస్తున్నారు. ఈ మౌనం కుటుంబాల మధ్య సంబంధాలను ఎలా ఎఫెక్ట్ చేయనుందో తెలీదు కానీ.. ఫాన్స్ మధ్యలో మాత్రం టాక్సిక్ వివాదాలకు తెరతీస్తోంది.