VD12: ఇదేం లుక్ సామీ.. విజయ్ దేవరకొండ, గౌతమ్ తిన్ననూరి ‘VD12’! మార్చి 28న థియేట‌ర్లలోకి
ABN, Publish Date - Aug 02 , 2024 | 12:27 PM
విజయ్ దేవరకొండ, గౌతమ్ తిన్ననూరి కాంబినేష‌న్‌లో ఓ ఇంటెన్స్ యాక్షన్ డ్రామా చిత్రం తెర‌కెక్కుతున్న విష‌యం తెలిసిందే. తాజాగా మేక‌ర్స్ ఈ సినిమా నుంచి అప్డేట్ ఇచ్చారు. సినిమా విడుదల తేదీని ప్రకటించారు.
అభిమానులు రౌడీ అని అభిమానంతో పిలుచుకొనే విజయ్ దేవరకొండ (Vijaydevarakonda), తన అద్భుతమైన నటనా నైపుణ్యంతో స్టార్‌గా ఎదగడమే కాకుండా, దేశవ్యాప్తంగా అన్ని భాషల ప్రేక్షకులకు చేరువయ్యారు. విజయ్ దేవరకొండ (Vijaydevarakonda) సినిమా వస్తుందంటే దేశవ్యాప్తంగా ప్రేక్షకుల దృష్టి ఉంటుంది. అలాంటి విజయ్, 'మళ్ళీరావా', 'జెర్సీ' చిత్రాలతో ఆకట్టుకున్న దర్శకుడు, జాతీయ అవార్డు విజేత గౌతమ్ తిన్ననూరి (gowtam tinnanuri) తో చేతులు కలిపారు. ఇంటెన్స్ యాక్షన్ డ్రామాగా రూపొందుతోన్న ఈ చిత్రంతో అందరినీ థ్రిల్ చేయడానికి సిద్ధమవుతున్నారు.
'VD12' అనే వర్కింగ్ టైటిల్ తో ఈ చిత్రం రూపుదిద్దుకుంటోంది. విజయ్ దేవరకొండ (Vijaydevarakonda), గౌతమ్ తిన్ననూరి (gowtam tinnanuri) కలయికలో వస్తున్న మొదటి సినిమా కావడంతో 'VD12' పై ప్రేక్షకుల్లో భారీ అంచనాలు ఉన్నాయి. ఆ అంచనాలకు ఏమాత్రం తగ్గకుండా ఈ చిత్రాన్ని అద్భుతంగా మలుస్తున్నారు. థియేటర్లలో ప్రేక్షకులకు సరికొత్త అనుభూతిని అందించడమే లక్ష్యంగా, ఎక్కడా రాజీ పడకుండా ఎంతో శ్రద్ధతో, అవిశ్రాంతంగా పని చేస్తోంది చిత్ర బృందం.
ఇటీవల ఈ సినిమా చిత్రీకరణ శ్రీలంకలోని సుందరమైన ప్రదేశాల్లో 60 శాతం చిత్రీకరణ పూర్తయింది. ఈ క్రమంలో నిర్మాతలు సినిమా విడుదల తేదీని ప్రకటించారు.మార్చి 28, 2025 న ప్రపంచవ్యాప్తంగా భారీ స్థాయిలో విడుదల చేయనున్నట్లు అధికారికంగా ప్రకటించారు. అదేవిధంగా మూవీ ఫస్ట్ లుక్, టైటిల్ తో పాటు, ఈ సినిమాకి సంబంధించిన మరిన్ని ఆసక్తికర విషయాలను నిర్మాతలు త్వరలో వెల్లడించనున్నట్లు స్ప‌ష్టం చేశారు.
సంచలన స్వరకర్త, రాక్‌స్టార్ అనిరుధ్ రవిచందర్ ఈ చిత్రానికి సంగీతం అందిస్తుండ‌గా. ప్రముఖ ఛాయగ్రాహకులు గిరీష్ గంగాధరన్ (Girish Gangadharan), జోమోన్ టి జాన్ (Jomon T John)కెమెరా బాధ్యతలు నిర్వహిస్తుండగా, జాతీయ అవార్డు గ్రహీత నవీన్ నూలి ఎడిటర్ గా వ్యవహరిస్తున్నారు. సితార ఎంటర్‌టైన్‌మెంట్స్ (Sithara Entertainments), ఫార్చూన్‌ ఫోర్ సినిమాస్ (Fortune Four Cinemas) పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని అత్యంత భారీ స్థాయిలో నిర్మిస్తుండ‌గా. శ్రీకర స్టూడియోస్ (Srikara Studios) ఈ చిత్రాన్ని సమర్పిస్తోంది.