Vijay Deverakonda: 'హీరియే హీరియే' సాంగ్ గుర్తుందా.. నెక్స్ట్ మనోడే

మ్యూజికల్ సెన్సేషన్ జస్లీన్ రాయల్ గతేడాది 'హీరియే హీరియే' సాంగ్‌తో ఎన్ని సంచనాలు క్రియేట్ చేసిందో ప్రత్యేకంగా చెప్పాల్సిన అవసరం లేదు. ఆమె తాజాగా ఇప్పుడు సౌత్ ఇండియన్ సెన్సేషనల్ యాక్టర్‌తో కొలాబొరేట్ కానున్నారు. ఇంతకీ ఆ హీరో ఎవరంటే..

గత ఏడాది 'హీరియే హీరియే' అంటూ యూట్యూబ్‌లో రిలీజైన సాంగ్ యూట్యూబ్ రికార్డ్‌లు బద్దలుకొట్టి భారతదేశ నలుమూలల మోగింది. ఈ వీడియో సాంగ్‌ని బాలీవుడ్ టాప్ సింగర్ అర్జిత్ సింగ్‌తో సెన్సేషనల్ సింగర్ జస్లీన్ రాయల్‌ కలిసి పాడి ఇందులో నటించింది. ఇక మలయాళం సూపర్ స్టార్ దుల్కర్ సల్మాన్ మెయిన్ లీడ్‌లో కనిపించారు.

అయితే ఈ సాంగ్‌ని పూర్తిగా కంపోజ్ చేసింది కూడా జస్లీన్ రాయలే. అయితే మరోసారి సూపర్ సౌత్ కాంబో‌తో జస్లీన్ సాంగ్ చేయనున్నట్లు కనిపిస్తుంది. రౌడీ బాయ్ 'విజయ్ దేవరకొండ'కి ఇక్కడ కొంచెం ట్రోలింగ్స్ ఎదురుకుంటున్న నార్త్‌లో మాత్రం మంచి ఫాలోయింగ్ కొనసాగుతుంది. అయితే జస్లీన్ ఈ సారి విజయ్‌తో కలిసి సాంగ్ ప్లాన్ చేస్తున్నట్లు తెలుస్తోంది. తాజాగా ఆమె తన ఇన్‌స్టాగ్రామ్‌లో విజయ్ దేవరకొండ, దుల్కర్ సల్మాన్‌తో కలిసి దిగిన ఒక ఫోటోని షేర్ చేసింది. నవంబర్ 15న మీ ముందుకు వస్తా అంటూ సాంగ్‌పై హింట్ ఇచ్చినట్లు తెలుస్తోంది.

ప్రస్తుతం విజయ్.. గౌతమ్ తిన్ననూరి, రవి కిరణ్ కోలా, రాహుల్ సంకృత్యాన్‌ దర్శకత్వంలో వరుస సినిమాలతో బిజీగా గడుపుతున్నారు. టాక్సీవాలా, శ్యామ్ సింగరాయ్ ఫేమ్ రాహుల్‌ సంకృత్యాన్‌ దర్శకుడిగా రాయలసీమ నేపథ్యంలో సాగే పీరియాడిక్‌ డ్రామా నేపథ్యంలో విజయ్ 'VD 14' తెరకెక్కనుంది. ఈ సినిమాని మైత్రి మూవీ మేకర్స్ భారీ బడ్జెట్ తో నిర్మిస్తున్నారు. ఇప్పటీకే రిలీజ్ చేసిన కాన్సెప్ట్‌ పోస్టర్‌ ఆసక్తి కలిగిస్తోంది. బీటలు వారిన పంట పొలాల్లో రాతిపై చెక్కిన వీరుడి విగ్రహం ఉంది. దాని మీద 'ది లెజెండ్‌ ఆఫ్‌ ది కర్స్డ్‌ ల్యాండ్‌' అని రాసి ఉంది. ఆయన జీవిత కాలం 1854 నుంచి 1878గా పేర్కొన్నారు. 19వ సెంచరీ నేపథ్యంతో 1854 నుంచి 1978 మధ్య కాలంలో జరిగిన యదార్థ చారిత్రక సంఘటనల ఆధారంగా పాన్‌ ఇండియా ప్రాజెక్ట్‌‌గా ఈ సినిమాను రూపొందిస్తున్నారు.