Vijay Deverakonda: ఆ ప్లేయర్‌ని టార్గెట్ చేసిన విజయ్ దేవరకొండ.. IPL
ABN, Publish Date - Nov 17 , 2024 | 10:41 AM
రౌడీ బాయ్ 'విజయ్ దేవరకొండ'కి సినిమాలతో పాటు స్పోర్ట్స్ అంటే కూడా చాలా మక్కువ. ఈ నేపథ్యంలోనే ఆయన తన ఇన్‌స్టాగ్రామ్ స్టోరీలో ఆసక్తికరమైన విషయం షేర్ చేశారు. ఇది ప్రస్తుతం సోషల్ మీడియాలో వైరల్ అవుతోంది. ఇంతకీ ఆయన ఏం చేశారంటే..
టాలెంటెడ్ డైరెక్టర్లతో వరుస సినిమాలతో దూసుకుపోతున్నాడు హీరో 'విజయ్ దేవరకొండ'. ప్రస్తుతం ఆయన వరుస కమర్షియల్ యాడ్స్ తో పాటు వీడియో సాంగ్స్ చేస్తూ ట్రెండింగ్ లో నిలుస్తున్నాడు. విజయ్.. గౌతమ్ తిన్ననూరితో పాటు రాహుల్ సంకృత్యాన్‌ డైరెక్షన్లలో రెండు సినిమాలు చేస్తున్నాడు. ఇదిలా ఉండగా ఆయన తాజాగా ఇన్‌స్టాగ్రామ్ స్టోరీలో ఆసక్తికరమైన విషయం షేర్ చేశారు. ఇది ప్రస్తుతం సోషల్ మీడియాలో వైరల్ అవుతోంది. ఇంతకీ ఆయన ఏం చేశారంటే..
తాజాగా సౌతాఫ్రికాతో నాలుగు టీ20 మ్యాచ్ల సిరీస్‌లో భారత్ తలపడిన విషయం తెలిసిందే. ఈ నాలుగు మ్యాచ్ల సిరీస్‌ని భారత్ 3-1తో కైవసం చేసుకుంది. ప్రధానంగా చివరి మ్యాచ్ సిరీస్ డిసైడింగ్‌గా మారింది. ఈ మ్యాచ్‌లో తెలుగు తేజం తిలక్ వర్మ 47 బంతుల్లోనే 120 పరుగులు చేసి అజేయంగా నిలిచాడు. దీంతో భారత్ మ్యాచ్ విన్ అయ్యి సిరీస్‌ని కైవసం చేసుకుంది. ఈ నేపథ్యంలోనే దేశ నలుమూలల నుండి తిలక్‌ని ప్రశంసలతో ముంచెత్తుతున్నారు. దీనిపై విజయ్ దేవరకొండ ఆసక్తికరమైన పోస్ట్ పెట్టారు.
తిలక్ వర్మని ప్రశంశిస్తు ఆయన స్టోరీ పెడుతూ.. "కిల్లర్ జాబ్ తిలక్, అక్కడి నుండి వచ్చేయ్ సన్ రైజర్స్ హైదరాబాద్‌లో తొందరగా జాయిన్ అవ్వు" అంటూ రాసుకొచ్చారు. అయితే తిలక్ వర్మని ముంబై ఇండియన్స్ టీమ్ ఎప్ప్పుడో కొనుగోలు చేసింది. ఈ సీజన్‌కి రూ. 8 కోట్ల భారీ ధరతో రిటెన్ చేసుకుంది. దీంతో తిలక్ వేరే ప్రాంచైజీకి షిఫ్ట్ అయ్యే ఛాన్స్ లేదు. అయితే యంగ్ & టాలెంటెడ్ తిలక్ వర్మ అటు ఐపీఎల్‌తో పాటు నేషనల్ టీమ్‌లోను మంచి ప్రదర్శనలతో అదరగొడుతున్నాడు. దీంతో ఒక తెలుగోడు హైదరాబాద్ టీమ్‌లో ఉండాలి అనుకుంటున్నా ఆరెంజ్ ఆర్మీ ఆశనే విజయ్ తెలిపాడు. కానీ.. అది ఇప్పుడిప్పుడు కుదిరే వ్యవహారం కాదు.