The Raja Saab: 'రాజాసాబ్‌'కి కూడానా.. ట్విటర్‌లో మొదలైన వార్

'రాజాసాబ్‌' టీమ్ రిలీజ్ చేసిన పోస్టర్స్‌తో ఫ్యాన్స్ కాస్త సంతోషంగానే కనిపించిన లేటెస్ట్ పోస్టర్‌పై మాత్రం అసహనం వ్యక్తం చేస్తున్నారు. మరోవైపు యాంటీ ఫ్యాన్స్ కూడా తెగ ట్రోల్ చేస్తున్నారు.

ప్రభాస్‌ (Prabhas) హీరోగా దర్శకుడు మారుతి (Maruthi) తెరకెక్కిస్తున్న చిత్రం ‘ది రాజాసాబ్‌' (The Raja Saab). మాళవికా మోహనన్‌, నిధి అగర్వాల్‌, రిద్థి కుమార్‌ హీరోయిన్లు. ప్రభాస్ 45వ పుట్టినరోజు సందర్భంగా ఈ మూవీ మేకర్స్ మోషన్ పోస్టర్ విడుదల చేశారు. అయితే ఈ అప్డేట్ బెడిసికొట్టినట్లు తెలుస్తోంది. ఇప్పటి వరకు మూవీ టీమ్ రిలీజ్ చేసిన పోస్టర్స్‌తో ఫ్యాన్స్ కాస్త సంతోషంగానే కనిపించిన లేటెస్ట్ పోస్టర్‌పై మాత్రం అసహనం వ్యక్తం చేస్తున్నారు. మరోవైపు యాంటీ ఫ్యాన్స్ కూడా తెగ ట్రోల్ చేస్తున్నారు.

బాహుబలి తర్వాత వరుస ప్లాప్స్ ఎదురుకున్న ప్రభాస్‌కి సలార్, కల్కి సినిమాల సక్సెస్ మంచి జోష్ ఇచ్చింది. దీంతో ఫ్యాన్స్ కూడా ఊపిరి పీల్చుకొని ఇప్పటి నుంచి మంచి డైరెక్టర్స్ తో లైనప్ ఉంది, సో డోంట్ వర్రీ అనుకున్నారు. అయితే మారుతితో పాన్ ఇండియా సినిమా అంటేనే కాస్త తటపటాయించారు. కానీ మూవీ సెట్స్ నుండి లీకైన ఫొటోస్, మొదట రిలీజ్ చేసిన పోస్టర్స్‌తో పర్లేదు అనుకున్నారు. కానీ.. తాజాగా రిలీజైన పోస్టర్ మాత్రం నిరాశకు గురి చేసింది. దీంతో యాంటీ చెలరేగిపోయి మరి ట్రోల్ చేస్తున్నారు.

కొందరు నాగవల్లి సినిమాలో వెంకటేష్‌ల ఉన్నాడంటూ ట్రోల్ వీడియోలు చేస్తుండగా, మరికొందరు 'సై' సినిమాలో భిక్షు యాదవ్‌ల ఉన్నాడంటూ ట్రోల్ చేస్తున్నారు. వాస్తవానికి ఈ పోస్టర్ లో గ్రాఫిక్స్, వీఎఫ్ఎక్స్, ఏఐ, డీఏజింగ్ టూల్స్ వాడటం బెడిసికొట్టిందంటున్నారు కొందరు విశ్లేషకులు. ఏదిఏమైన్పటికీ సినిమా అవుట్ ఫుట్ బాగుంటే ప్రభాస్ స్టామినాకి బాక్సాఫీస్ దాసోహం కావాల్సిందే. అయితే సినిమా రిజల్ట్స్ కోసం ఏప్రిల్ 10, 2025 వరకు ఆగాల్సిందే.