Kiran Abbavaram: అప్పుడు మంచు విష్ణు.. ఇప్పుడు కిరణ్ అబ్బవరం
ABN, Publish Date - Oct 30 , 2024 | 11:30 AM
కిరణ్ అబ్బవరం మాట్లాడుతూ.. తనపై జూబ్లీహిల్స్ చెక్ పోస్ట్ దగ్గర ఉన్న ఒక పొడక్షన్ హౌస్ వాళ్ళ సినిమాలో నాపై ట్రోల్ చేసిందని ఆవేదన చెందారు. ఇక గతంలోనూ మంచు విష్ణు కూడా సేమ్ ఇలాంటి వ్యాఖ్యలే చేశారు. దీంతో జూబ్లీహిల్స్ చెక్ పోస్ట్ దగ్గర ఉన్న ఆ నిర్మాణ సంస్థ ఏంటని అందరు తెగ సర్చ్ చేసేస్తున్నారు.
తాజాగా టాలీవుడ్ యంగ్ హీరో కిరణ్ అబ్బవరం ((Kiran Abbavaram) తనపైన వస్తున్న ట్రోల్స్‌కి సంబంధించి ఆసక్తికర వ్యాఖ్యలు చేశారు. జూబ్లీహిల్స్ చెక్ పోస్ట్ దగ్గర ఉన్న ఒక నిర్మాణ సంస్థ తనపై ట్రోల్స్ చేసిందని ఆరోపించారు. అయితే గతంలో 'మా' అధ్యక్షుడు, హీరో మంచు విష్ణు కూడా 'జిన్నా' రిలీజ్ సమయంలో జూబ్లీహిల్స్ చెక్ పోస్ట్ దగ్గర ఉన్న ఒక కంపెనీ తనపై కక్ష్యగట్టి పెయిడ్ ట్రోల్స్ చేయిస్తుందని ఆరోపించారు. దీని వెనుక ప్రముఖ యాక్టర్ హస్తముందని ఆయన ఆరోపించారు. ఈ నేపథ్యంలో జూబ్లీ‌హిల్స్‌లో ఉన్న ఆ కంపెనీ ఏంటని సర్వత్రా చర్చ నడుస్తోంది.
యంగ్ టాలెంటెడ్ హీరో కిరణ్ అబ్బవరం నటిస్తున్న భారీ పీరియాడిక్ థ్రిల్లర్ సినిమా 'క'. ఈ నెల 31న దీపా‌వళి పండుగ సందర్భంగా రిలీజ్ అవుతోంది. తాజాగా ఈ సినిమా ప్రీ రిలీజ్ ఈవెంట్‌ని హైదరాబాద్‌లో నిర్వహించారు. ఈ సందర్భంగా కిరణ్ మాట్లాడుతూ.. తనపై జూబ్లీహిల్స్ చెక్ పోస్ట్ దగ్గర ఉన్న ఒక పొడక్షన్ హౌస్ వాళ్ళ సినిమాలో నాపై ట్రోల్ చేసిందని ఆవేదన చెందారు. ఇక గతంలోనూ మంచు విష్ణు కూడా సేమ్ ఇలాంటి వ్యాఖ్యలే చేశారు. దీంతో జూబ్లీహిల్స్ చెక్ పోస్ట్ దగ్గర ఉన్న ఆ నిర్మాణ సంస్థ ఏంటని అందరు తెగ సర్చ్ చేసేస్తున్నారు. గతంలో విష్ణు.. ఆ కంపెనీ లొకేషన్ ట్రేస్ చేశాం, లీగల్ యాక్షన్ తీసుకుంటాం అని చెప్పిన తర్వాత ఏమైందో ఎవరికీ తెలీదు.
ఇక 'క' మూవీ గురించి కిరణ్ మాట్లాడుతూ.. మూవీలో ఇద్దరు హీరోయిన్స్ తన్వీరామ్, నయన్ సారిక ఉన్నారు. వాళ్లిద్దరివీ కీలకమైన పాత్రలే. రాధ పాత్రలో తన్వీరామ్ చేసింది. తను చాలా బాగా పర్‌ఫార్మ్ చేసింది. రాధ పాత్ర ద్వారా మా క్యారెక్టర్స్ రివీల్ అవుతుంటాయి. నయన్ సారిక సత్యభామ క్యారెక్టర్‌లో కనిపిస్తుంది. తను అభినయ వాసుదేవ్ లవ్ ఇంట్రెస్ట్‌గా ఉంటుంది అన్నారు.