Nithiin: నితిన్ నటిస్తున్న తమ్ముడు' వచ్చేది అప్పుడే..

నితిన్ హీరోగా శ్రీరామ్ వేణు దర్శకత్వంలో రూపొందుతున్న ప్రెస్టీజియస్ మూవీ "తమ్ముడు".  ప్రస్తుతం శరవేగంగా చిత్రీకరణ జరుపుకుంటోంది.   శ్రీ వెంకటేశ్వర క్రియేషన్స్ నిర్మాణంలో రూపొందుతున్న ఈ సినిమా  సినిమా విడుదల తేదీని సోమవారం మేకర్స్  అనౌన్స్  చేశారు. 

నితిన్ (Nithin) హీరోగా శ్రీరామ్ వేణు (Sriram venu) దర్శకత్వంలో రూపొందుతున్న ప్రెస్టీజియస్ మూవీ "తమ్ముడు" (Thammudu)  ప్రస్తుతం శరవేగంగా చిత్రీకరణ జరుపుకుంటోంది.   శ్రీ వెంకటేశ్వర క్రియేషన్స్ నిర్మాణంలో రూపొందుతున్న ఈ సినిమా  సినిమా విడుదల తేదీని సోమవారం మేకర్స్  అనౌన్స్  చేశారు.  మహాశివరాత్రి పర్వదినం సందర్భంగా ఈ చిత్రాన్ని ప్రపంచవ్యాప్తంగా గ్రాండ్ థియేట్రికల్ రిలీజ్ కు తీసుకొస్తున్నట్లు ప్రకటించారు. దీనికి  సంబంధించిన పోస్టర్ ను లాంచ్ చేసారు.

కాగడా  చేత పట్టిన నితిన్, భుజానికి పాపను ఎత్తుకుని పరుగెడుతూ రావడం, ఆయనతో పాటు ఊరి ప్రజలు కూడా కాగడాలతో వెంటే వస్తుండటం ఆసక్తిని కలిగిస్తోంది. ఈ రిలీజ్ డేట్ పోస్టర్ "తమ్ముడు" సినిమా మీద మరిన్ని అంచనాలు పెంచుతోంది. శ్రీ వెంకటేశ్వర క్రియేషన్స్ లో నిర్మితమవుతున్న 56వ చిత్రమిది. ఈ చిత్రంలో లయ కీలక పాత్రను పోషిస్తున్నారు. దిల్ రాజు నిర్మాణ సంస్థతో  నితిన్, దర్శకుడు శ్రీరామ్ వేణుకు మంచి అనుబంధం ఉంది. హీరో నితిన్ దిల్, శ్రీనివాస కళ్యాణం వంటి మూవీస్ చేయగా..దర్శకుడు శ్రీరామ్ వేణు నాని హీరోగా ఎంసీఏ, పవర్ స్టార్ పవన్ కల్యాణ్ హీరోగా వకీల్ సాబ్ వంటి సూపర్ హిట్ చిత్రాలు రూపొందించారు. ఇప్పుడు ఈ ముగ్గురి కాంబినేషన్ లో తమ్ముడు సినిమా రిలీజ్ కు వస్తుండటం సినీ ప్రియుల దృష్టిని ఆకర్షిస్తోంది.