Pushpa 2: పుష్ప కోసం తమన్.. దేవి శ్రీ ప్రసాద్ సరిపోవట్లేదా
ABN, Publish Date - Nov 07 , 2024 | 09:33 AM
పుష్ప 2 సినిమా రిలీజ్ దగ్గరపడుతుండటంతో మేకర్స్ మ్యూజిక్‌లో పలు మార్పులు చేసినట్లు తెలుస్తోంది. డీఎస్పీతో పాటు స్టార్ మ్యూజిక్ డైరెక్టర్ తమన్ పుష్ప వర్క్స్‌లోకి ఎంటర్ అయినట్లు సమాచారం. ఇంతకీ ఎం జరుగుతుందంటే..
ఐకాన్‌స్టార్‌ అల్లు అర్జున్ (Allu Arjun) హీరోగా తెరకెక్కుతున్న చిత్రం ‘పుష్ప: ది రూల్‌’ (Pushpa the rule) సుకుమార్ (Sukumar) దర్శకత్వంలో తెరకెక్కుతోన్న ఈ చిత్రం డిసెంబర్‌ 5న ప్రపంచవ్యాప్తంగా విడుదల కానుంది. ఈ సినిమాకి దేవి శ్రీ ప్రసాద్ సంగీతం అందించాడు. అయితే ఈ సినిమా రిలీజ్ దగ్గరపడుతుండటంతో మేకర్స్ మ్యూజిక్‌లో పలు మార్పులు చేసినట్లు తెలుస్తోంది. డీఎస్పీతో పాటు స్టార్ మ్యూజిక్ డైరెక్టర్ తమన్ పుష్ప వర్క్స్ లోకి ఎంటర్ అయినట్లు సమాచారం. ఇంతకీ ఎం జరుగుతుందంటే..
పుష్ప2 విడుదలకు కౌంట్‌డౌన్ మొదలైన తరుణంలో ఈ సినిమా టీమ్‌లోకి తమన్ ఎంటర్ అయినట్లు వార్తలు వస్తున్నాయి. దేవిశ్రీ ప్రసాద్‌తో పాటు తమన్ కూడా పుష్ప 2 బ్యాక్‌గ్రౌండ్ స్కోర్ చేశారని తెలుస్తోంది. దేవిశ్రీ ప్రసాద్ ఇచ్చిన స్కోర్ పుష్ప 2 మేకర్స్‌కు నచ్చకపోవటంతో, మార్పులను సూచించారని సమాచారం. అయితే దేవిశ్రీ హైదరాబాదు‌లో మ్యూజికల్ కన్సర్ట్ పేరుతో రెండువారాల సమయం తీసుకున్నాడు. పుష్ప 2 కు కోసం సమయాన్ని కేటాయించలేకపోవటంతో.. మేకర్స్ తమన్‌ను అప్రోచ్ అయినట్లు వార్తలు వినిపిస్తున్నాయి.
ఈ విషయాన్ని డీఎస్పీకి తెలియచేసి. ఏది బెటర్ గా ఉంటే ..దాన్ని వాడుకుందామనే ప్రపోజల్ పెట్టినట్లు తెలుస్తోంది. సమయం లేకపోవటంతో దేవిశ్రీ కూడా సరే అన్నట్లు తెలుస్తోంది. నిజానికి అల్లు అర్జున్ సుకుమార్ దేవిశ్రీ ప్రసాద్‌ల మధ్య తొలి నుంచి మంచి సఖ్యత, స్నేహం ఉన్నాయి. కానీ.. మ్యూజికల్ కన్సర్ట్ పేరుతో దేవి శ్రీ ప్రసాద్ పుష్ప 2ను లైట్ తీసుకున్నాడనే ఫీలింగ్ వారికి కలిగిందనే ప్రచారం నడుస్తుంది. ఇక పుష్ప 1లోనూ లాస్ట్ మినిట్ వరకు వర్క్ చేయడం వల్ల మిక్సింగ్‌లో లోపాలు ఏర్పడ్డాయి. అయితే ఆ సినిమాకు దేవిశ్రీ ప్రసాద్ కంపోజిషన్‌కు నేషనల్ అవార్డ్ లభించిన విషయమే తెలిసిందే. ఇప్పుడు పుష్ప2 క్రేజ్ , రిలీజ్ టైమ్ దృష్ట్యా తమన్‌ను తో తప్పనిసరిగా టీమ్ వర్క్ చేయించుకోవాల్సి వస్తుందని సమాచారం.