Pushpa 2: రష్మిక 'పుష్ప' అప్డేట్.. బాధగా ఉంది
ABN, Publish Date - Nov 13 , 2024 | 03:45 PM
'పుష్ప 2' రిలీజ్ దగ్గరపడుతున్న ఆ సినిమా హీరోయిన్ 'రష్మిక' ఫ్యాన్స్‌ని ఖుషి చేసే ఒక అప్డేట్ ని షేర్ చేసింది. కానీ.. అది తనకి మాత్రం చాలా బాధ కలిగించిందట. ఇంతకీ ఏమైందంటే..
‘పుష్ప ది రూల్‌’ (Pushpa: The Rule) చిత్రంతో పాన్‌ ఇండియా స్థాయిలో ప్రేక్షకుల్ని అలరించేందుకు సిద్థమయ్యారు ఐకాన్‌స్టార్‌ అల్లు అర్జున్‌ (Allu arjun). రష్మిక మందన్నా కథానాయికగా సుకుమార్‌ దర్శకత్వం వహించిన ఈ చిత్రం డిసెంబర్‌ 5న ప్రేక్షకుల ముందుకు రానుంది. ఈ నేపధ్యంలో 'రష్మిక' ఫ్యాన్స్‌ని ఖుషి చేసే ఒక అప్డేట్ ని షేర్ చేసింది. కానీ.. అది తనకి మాత్రం చాలా బాధ కలిగించిందట. ఇంతకీ ఏమైందంటే..
'పుష్ప 2' సినిమా షూటింగ్ ఇంకా పూర్తి కాకపోవడం, మ్యూజిక్ డైరెక్టర్ల మార్పు లాంటి విషయాలు అభిమానుల్లో తీవ్ర గందరగోళం సృష్టిస్తున్నవేళా రష్మిక సూపర్ అప్డేట్ షేర్ చేసింది. తన ఇన్‌స్టాగ్రామ్ స్టోరీ ద్వారా తాను.. పుష్ప 2 మొదటి విడత డబ్బింగ్ పూర్తి చేశానని తెలిపింది. సెకండ్ హాఫ్ డబ్బింగ్ పనులు సాగుతున్నాయని పేర్కొంది. "ఆడుతూ పాడుతూ పుష్ప షూటింగ్ ముగిసింది" ఆ సంతోషాన్ని ఇప్పుడు మిస్ కాబోతున్నాను. సినిమా చాలా అద్భుతంగా వచ్చింది. నాకు మాటలు రావడం లేదంటూ పోస్ట్ చేసింది. ఈ విధంగా ఫ్యాన్స్‌కి అదిరిపోయే అప్డేట్ ఇస్తూనే.. 'పుష్ప' టీమ్ ని వదిలి వెళ్తున్నందుకు ఆమె బాధపడింది.
మరోవైపు త్వరలోనే పుష్ప ప్రమోషన్స్‌ను పాట్నా, కలకత్తా, చెన్నయ్‌, కొచ్చి, బెంగళూరు, ముంబయ్‌, హైదరాబాద్‌లో మాసివ్‌గా నిర్వహించబోతున్నట్లుగా మేకర్స్ అధికారికంగా తెలియజేసిన విషయం తెలిసిందే. ఇందులో భాగంగానే ‘పుష్ప-2 ది రూల్‌’ చిత్ర ట్రైలర్ లాంచ్‌ను ఈ నెల 17న బిగ్గెస్ట్‌ ఈవెంట్‌ ఫర్‌ ఇండియన్‌ బిగ్గెస్ట్‌ ఫిలింగా పాట్నాలో అత్యంత గ్రాండ్‌గా నిర్వహించబోతున్నారు. దీనికి సంబంధించిన అనౌన్స్‌మెంట్‌ పోస్టర్‌ను మేకర్స్ విడుదల చేశారు.