Rashmika Mandanna: నాకన్నా గొప్పవారు చాలామందే ఉన్నారు కానీ.. ఆ  అవకాశం కొందరికే దక్కుతుంది

'ఛలో’ చిత్రంతో టాలీవుడ్‌కి పరిచయమైన కన్నడ బ్యూటీ రష్మిక మందన్నా(Rashmika mandanna). తొలి చిత్రంతోనే మంచి గుర్తింపు తెచ్చుకుంది. 'గీత గోవిందం'తో మరో విజయాన్ని తన ఖాతాలో వేసుకుని స్టార్‌ హీరోల సరసన అవకాశాలు అందుకుంది.

'ఛలో’ చిత్రంతో టాలీవుడ్‌కి పరిచయమైన కన్నడ బ్యూటీ రష్మిక మందన్నా(Rashmika mandanna). తొలి చిత్రంతోనే మంచి గుర్తింపు తెచ్చుకుంది. 'గీత గోవిందం'తో మరో విజయాన్ని తన ఖాతాలో వేసుకుని స్టార్‌ హీరోల సరసన అవకాశాలు అందుకుంది. 'పుష్ప' (Pushpa2)చిత్రంతో ఒక్కసారిగా నేషనల్‌ క్రష్‌ అయిపోయింది. ఇప్పుడు గ్లోబల్‌ ఫేవరెట్‌గా మారింది. ప్రస్తుతం సౌత్ ,  నార్త్‌ సినిమాలతో బిజీగా ఉంది. ఇటీవల 'యానిమల్‌' చిత్రంతో సూపర్‌ సక్సెస్‌ అందుకున్న ఆమె తాజా ఇంటర్వ్యూలో  సక్సెస్‌ అండ్‌ ఫేమ్‌ గురించి మాట్లాడింది.

‘‘నేను సక్సెస్‌ గురించి పెద్దగా ఆలోచించను. వచ్చిన అవకాశాన్ని వినియోగించుకుని నటిగా ఫెయిల్‌ కాకూడదని ఆలోచిస్తానంతే. జయాపజయాల గురించి పట్టించుకోను. ఇండస్ట్రీలో నాకంటే అందమైన, తెలివైన అమ్మాయిలు ఎంతో మంది ఉన్నారు. వాళ్లకూ అద్భుతమైన ట్యాలెంట్‌ ఉంది. అయితే మనల్ని మనం నిరూపించుకునే అవకాశాలు అతి కొద్దిమందికే వస్తుంది. నాకు కూడా అలాంటి అవకాశాలు వచ్చాయి కాబట్టే నేను ఇప్పుడు ఈ పొజిషన్ కు వచ్చాను. నన్ను గుర్తించిన డైరెక్టర్స్‌, ప్రొడ్యూసర్స్‌లకు నేను ఎల్లప్పుడూ రుణపడి ఉంటాను. అయితే కెరీర్‌లో సాధించిన సక్సెస్‌ను, అలాగే ఎదుర్కొన్న ఫెయిల్యూర్స్‌ను పట్టించుకోకూడదు. ఏ ఫీల్డ్‌లోనైనా అవి సహజం. ఇటీవలే ఈ విషయాన్ని నేను  తెలుసుకున్న. మనం చేసే ప్రతీ పనిని ఆడియెన్స్‌ బాగా గమనిస్తారు.  ప్రశంసలు, విమర్శలు లాంటివి కూడా మనకు ఎప్పుడూ ఎదురవుతూనే ఉంటాయి. వాటి గురించి ఆలోచిస్తే మనం మానసికంగా కుంగిపోతాం. జీవితంలో ఇక ముందుకు సాగలేం. అందుకే వాటిని నేను అసలు పట్టించుకోను’’ అని అన్నారు.

ప్రస్తుతం రష్మిక ‘పుష్ప 2’ సినిమాలో నటిస్తోంది. దీంతో పాటు ధనుశ్‌ నాగార్జున కాంబోలో తెరకెక్కుతున్న ‘డీ 51’ సినిమాలో ఆమె కీలక పాత్ర పోషిస్తోంది. ఈ రెండు చిత్రాల షూటింగ్‌ శరవేగంగా జరుగుతోంది. ‘పుష్ప’ ఈ ఏడాది ఆగస్ట్‌ 15న థియేటర్లలోకి రానుంది. అలాగే ఈ చిత్రాలతోపాటు రాహుల్‌ రవీంద్రన దర్శకత్వంలో ‘ద గర్ల్‌ ఫ్రెండ్‌’ లో  నటిస్తోంది.

ది.