Jai Hanuman: ఈ ఫొటో వెనకున్న కథేంటి.. రానా సర్‌ప్రైజ్‌ ఇవ్వబోతున్నారా..
ABN, Publish Date - Nov 04 , 2024 | 09:11 PM
‘హను-మాన్‌’ చిన్న చిత్రంగా మొదలై పాన్‌ ఇండియా స్థాయిలో విడుదలై భారీ విజయాన్ని అందుకొంది. దానికి కొనసాగింపుగా దర్శకుడు ప్రశాంత్‌ వర్మ ‘జై హనుమాన్‌’ చిత్రాన్ని తెరకెక్కించనున్నారు.
‘హను-మాన్‌’(Hanu Man) చిన్న చిత్రంగా మొదలై పాన్‌ ఇండియా స్థాయిలో విడుదలై భారీ విజయాన్ని అందుకొంది. దానికి కొనసాగింపుగా దర్శకుడు ప్రశాంత్‌ వర్మ ‘జై హనుమాన్‌’ (Jai Hanuman) చిత్రాన్ని తెరకెక్కించనున్నారు. శ్రీరాముడికి హనుమంతుడు ఇచ్చిన మాట ఏంటి? దాన్ని నిలబెట్టుకోవడానికి ఏం చేశాడు? అన్న కథా నేపథ్యంతో ‘జై హనుమాన్‌’ రూపొందనుంది. దీపావళి సందర్భంగా ఆయన ఆడియన్స్‌ సర్‌ఫ్రైజ్‌ ఇచ్చారు. కన్నడ స్టార్‌ హీరో రిషబ్‌శెట్టి (Rishab Shetty) ఇందులో హనుమంతుడి పాత్ర పోషిస్తున్నట్లు ప్రకటించారు. పోస్టర్‌ను కూడా విడుదల చేశారు. దీంతో సినిమాపై అంచనాలు పెరిగాయి. తాజాగా మరో సర్‌ప్రైజ్‌ ఇచ్చారు ప్రశాంత్‌ వర్మ. నటుడు రానా, రిషబ్‌శెట్టితో కలిసి దిగిన ఫొటోను షేర్‌ చేశారు. దానికి ‘జై జై హనుమాన్‌’ అని క్యాప్షన్‌ ఇస్తూ రిషబ్‌శెట్టి, రానా దగ్గుబాటి (Rana Daggubati), ప్రశాంత్‌ సినిమాటిక్‌ యూనివర్స్‌ను కోట్‌ చేశారు.
ప్రస్తుతం ఈ పోస్ట్‌ సోషల్‌ మీడియాలో వైరల్‌ అవుతోంది. రిషబ్‌శెట్టి పేరు ప్రకటిస్తేనే సినిమాకు భారీగా హైప్‌ వచ్చింది. ఇప్పుడు రానా పేరును కూడా ప్రస్తావించడంతో అవి మరింత పెరిగాయి. రానాలాంటి నటుడు ఈ ప్రాజెక్ట్‌లో భాగం అయ్యారంటే కచ్చితంగా ఏదో కీలకమైన పాత్రే అయుంటుందని ఫిల్మ్‌నగర్‌ టాక్‌. మరి ఇందులో రానా నటిస్తున్నారా? లేక నిర్మాణంలో భాగం అయ్యారా అన్నది తెలియాల్సి ఉంది.
Dulquer salmaan Interview: తెలుగు భాషతోనే అది సాధ్యం.. ఆనందంలో దుల్కర్‌