Pushpa 2: సినిమా స్వరూపాన్నే మార్చే పాత్ర.. తారక్
ABN, Publish Date - Nov 18 , 2024 | 03:21 PM
అరగుండు, మెడలో చెప్పులు వేసుకొని 'పుష్ప 2' ట్రైలర్‌లో కనిపించిన ఓ దృశ్యం ఇప్పుడు అందరి అటెన్షన్‌ని గ్రాబ్ చేస్తోంది. ఈ పాత్ర సినిమాలో కీలక మార్పులకు కారణం కానుందట. ఈ విషయాన్ని స్వయంగా తారక్ చెప్పారు. ఇంతకీ ఆయన ఏమన్నారంటే..
'పుష్ప 2' ట్రైలర్‌లో ఓ ఆసక్తికరమైన దృశ్యం ఇప్పుడు అందరి అటెన్షన్‌ని గ్రాబ్ చేస్తోంది. అరగుండు, మెడలో చెప్పులు వేసుకొని కనిపించే ఓ పాత్ర ట్రైలర్ హైలెట్స్‌లో ఒకటి అని చెప్పుకోవాలి. అయితే అది కేవలం ట్రైలర్ హైలెట్స్‌లో ఒకటి మాత్రమే కాదు సినిమాలోనే హైలెట్ పాత్ర అని తెలుస్తోంది. ఈ పాత్రని దేవరలో భైర కొడుకుగా నెగిటివ్ రోల్‌లో నటించిన తారక్ పొన్నప్ప పోషించారు. కన్నడ సినిమాలతో మంచి నటుడిగా గుర్తింపు పొందిన ఆయన ఈ పాత్ర గురించి ఏమన్నారంటే..
తాజాగా తారక్ పొన్నప్ప ఓ ఇంటర్వ్యూలో సినిమా గురించి ఆసక్తికరమైన విషయాలు షేర్ చేశారు. ఆయన తన పాత్ర గురించి మాట్లాడుతూ.. " ఈ సినిమాలో నెగిటివ్ అండ్ పాజిటివ్ షేడ్స్‌లో నా రోల్ ఉంటుంది. పుష్ప రాజ్ క్యారెక్టర్‌ని మలుపు తిప్పే పాత్రలో నటించాను" అంటూ చెప్పారు. దీంతో అందరిలో మరింత క్యూరియాసిటీ పెరిగింది.
ఇక ట్రైలర్ ఈవెంట్ హీరో అల్లు అర్జున్‌ మాట్లాడుతూ "నా హిందీ కాస్త మీకు ఇబ్బందికరంగా ఉండొచ్చు. నన్ను క్షమించగలరు. ఎప్పుడు పట్నా వచ్చినా మీరు చూపించే ప్రేమ, ఇచ్చే ఘన స్వాగతానికి ఈ ప్రాంత అభిమానులు అందరికీ ధన్యవాదాలు. మీ ప్రేమంతా ఇక్కడ కనబడుతుంది. ఇది ఎప్పటికీ గుర్తుండిపోతుంది. పుష్ప అంటే ఫ్లవర్‌ అనుకుంటివా.. ఇక నుండి వైల్డ్‌ ఫైర్‌’ అంటూ డైలాగ్‌ చెబుతూ అభిమానుల్లో ఉత్సాహం నింపారు. ఈ సినిమాని గత మూడు సంవత్సరాలుగా మోస్ట్‌ యాంటిసిపేటెడ్‌ సినిమాగా నిలిపినందుకు థ్యాంక్యూ. ఇది నా గొప్పతనం కాదు. ఇదంతా మీ వల్లే సాధ్యమైంది. అందుకు పుష్ప టీమ్‌ మొత్తానికి నా ధన్యవాదాలు తెలియజేస్తున్నాను. మీ ప్రేమే ఈ సినిమా ఇంత గొప్పగా తీయడానికి, ఇంత గొప్పగా అందరికీ నచ్చడానికి కారణం. స్పాన్సర్స్‌కి, పోలీస్‌ సిబ్బందికి, ఫ్యాన్స్‌కు మరీ మరీ థ్యాంక్యూ’’ అని అన్నారు.