Prabhas: ప్రభాస్‌తో డాన్ లీ.. ఏ సినిమాలో అంటే
ABN, Publish Date - Nov 10 , 2024 | 12:52 PM
కొరియన్ సూపర్ స్టార్ 'డాన్ లీ'.. ఓ ప్రభాస్ మూవీలో కనిపించనున్నట్లు తెలుస్తోంది. ఒకవైపు కొరియన్‌తో పాటు అమెరికన్ సినిమాల్లో డాన్ లీకి సూపర్ క్రేజ్ ఉంది. ఇంతకీ ఆయన ఏ మూవీలో నటిస్తున్నాడు అంటే..
రెబల్ స్టార్ 'ప్రభాస్' క్రేజ్ బాహుబలి తర్వాత గ్లోబల్ స్థాయికి చేరిపోయింది. ఇప్పుడు అయినా చేస్తున్న ప్రాజెక్స్ట్ అన్ని గ్లోబల్ ఆడియెన్స్ ని టార్గెట్ చేస్తూ.. వస్తున్నవే. అయితే గ్లోబల్ ఆడియెన్స్ ఆకట్టుకోవడం కోసం మార్కెటింగ్ కూడా భారీ స్థాయిలో చేయాల్సి ఉంటుంది. క్యాస్టింగ్ విషయంలోనూ చాలా జాగ్రత్తలు తీసుకోవాల్సి ఉంటుంది. ఈ తరుణంలోనే కొరియన్ సూపర్ స్టార్ 'డాన్ లీ'.. ఓ ప్రభాస్ మూవీలో కనిపించనున్నట్లు తెలుస్తోంది. ఒకవైపు కొరియన్‌తో పాటు అమెరికన్ సినిమాల్లో డాన్ లీకి సూపర్ క్రేజ్ ఉంది. ఇంతకీ ఆయన ఏ మూవీలో నటిస్తున్నాడు అంటే..
Also Read-కుమారుడి పెళ్లిలో కన్నీటితో కూలబడిన స్టార్ యాక్టర్
బాహుబలి సినిమా తర్వాత ప్రభాస్‌కి అంతర్జాతీయ మార్కెట్‌లోను క్రేజ్ ఏర్పడింది. ప్రధానంగా జపాన్, రష్యా, కొరియా దేశాలలో విపరీతమైన ఫ్యాన్ ఫాలోయింగ్ వచ్చేసింది. దీంతో ఆయన నెక్స్ట్ సినిమాలపై అక్కడి ప్రేక్షకులు అంచనాలు పెట్టుకున్నారు. అయితే గత కొన్ని నెలలుగా కొరియన్ స్టార్ డాన్ లీ.. ప్రభాస్ మూవీలో యాక్ట్ చేయనున్నాడు అనే వార్తలు చక్కర్లు కొడుతున్నాయి. ఈ నేపథ్యంలోనే డార్లింగ్ ఫాన్స్ ఇన్‌స్టాగ్రామ్ వేదికగా డాన్ లీ కామెంట్స్ సెక్షన్ లో హడావిడి చేయడం మొదలు పెట్టారు. దీంతో డాన్ లీ తాజాగా 'సలార్ 2' పోస్టర్ ని తన స్టోరీ లో పోస్ట్ చేశాడు. దీంతో రూమర్స్ అనుకున్న వార్త నిజమే అయినట్లు తెలుస్తోంది.
అయితే డాన్ లీ 'సలార్ 2'లో యాక్ట్ చేయనున్నాడా లేదా సందీప్ రెడ్డి వంగా 'స్పిరిట్'లో యాక్ట్ చేయనున్నాడా అనే కన్ఫ్యూజన్ ఏర్పడింది. ప్రభాస్ కాప్ గా కనిపించనున్న స్పిరిట్ మూవీలో డాన్ లీ ఒక ఇంటర్నేషనల్ డాన్ గా కనిపించే అవకాశముందనే వార్తలు ఊపందుకున్నాయి. ఈ సినిమా షూటింగ్ డిసెంబర్‌లో ప్రారంభం కానుంది. ప్రభాస్ ఇప్పటికే.. 'ది రాజా సాబ్', హను రాఘవపూడి సినిమా, నాగ్ అశ్విన్ 'కల్కి 2', ప్రశాంత్ నీల్ 'సలార్ 2' ప్రశాంత్ వర్మ సినిమా, లోకేష్ కనగరాజ్ సినిమా.. ఇలా 7 ప్రాజెక్స్ట్ తో బిజీగా ఉన్నాడు.