Spirit: ప్రభాస్ ఫ్యాన్స్‌కి ఎపిక్ సర్ప్రైజ్.. ఇదేం స్పీడ్ రా నాయనా

స్పిరిట్ సినిమా షూట్ జరిగేది ఎప్పుడో అని.. ఫ్యాన్స్‌తోపాటు సినీ ఎక్స్‌పర్ట్స్ అనుకున్నారు. అయితే అందరికి దిమ్మతిరిగే అప్డేట్ ఇచ్చారు నిర్మాత భూషణ్ కుమార్. ఈ న్యూస్ విని ప్రభాస్ ఫ్యాన్స్ ఎగిరి గంతేస్తున్నారు.. ఇంతకీ ఆ ఎపిక్ అప్డేట్ ఏంటంటే..

బ్లాక్‌బస్టర్ డైరెక్టర్ సందీప్ రెడ్డి వంగా (Sandeep Reddy Vanga), రెబల్ స్టార్ ప్రభాస్‌ (Prabhas)తో భారీ బడ్జెట్‌లో తెరకెక్కిస్తున్న చిత్రం ‘స్పిరిట్’ (Spirit). ప్ర‌స్తుతం ప్ర‌భాస్ మారుతి డైరెక్షన్‌లో పీపుల్ మీడియా ఫ్యాక్టరీ నిర్మిస్తున్న 'ది రాజా సాబ్', ప్రశాంత్ నీల్ దర్శకత్వంలో హోంబలే ఫిలింస్ నిర్మిస్తున్న 'సలార్ 2', హను రాఘవపూడి దర్శకత్వంలో మైత్రీ మూవీ మేకర్స్ నిర్మిస్తున్న సినిమాలు లైన్‌లో ఉన్నాయి. ఈ నేపథ్యంలో స్పిరిట్ సినిమా షూట్ జరిగేది ఎప్పుడో అని.. ఫ్యాన్స్‌తోపాటు సినీ ఎక్స్‌పర్ట్స్ అనుకున్నారు. అయితే అందరికి దిమ్మతిరిగే అప్డేట్ ఇచ్చారు నిర్మాత భూషణ్ కుమార్. ఈ న్యూస్ విని ప్రభాస్ ఫ్యాన్స్ ఎగిరి గంతేస్తున్నారు.. ఇంతకీ ఆ ఎపిక్ అప్డేట్ ఏంటంటే..

ఈ సినిమాలో ప్రభాస్ ఫస్ట్ టైమ్ పోలీసుగా కనిపించనున్నాడు. క్యారెక్టర్ మేక్ ఓవర్‌కి కూడా సమయం పడుతుంది. 'ది రాజా సాబ్', 'సలార్ 2', హను రాఘవపూడి సినిమాల్లో బిజీగా ఉన్న ప్రభాస్ 'స్పిరిట్' మూవీ స్టార్ట్ చేసేది, ఏ 2026, 2027లోనో అనుకున్నారంతా. కానీ.. మూవీ ప్రొడ్యూసర్ భూషణ్ కుమార్ ఈ సినిమా షూటింగ్ 2024, డిసెంబర్‌లోనే ప్రారంభం అని చెప్పడంతో అంత షాక్ అయ్యారు. ఫ్యాన్స్ ఎన్నో అంచనాలు పెట్టుకున్న ఈ సినిమా ఇంత తొందరగా ప్రారంభం కానుండటంతో ఫ్యాన్స్ ఫుల్ ఖుషి అవుతున్నారు. మరోవైపు ఈ సినిమా మ్యూజిక్ సెటింగ్స్‌ని సందీప్.. మ్యూజిక్ డైరెక్టర్ హర్షవర్ధన్ రామేశ్వర్‌తో కలిసి ఎప్పుడో ప్రారంభించారు.

ఇక ఈ ఏడాది ఏప్రిల్ 10న రాజాసాబ్ గ్రాండ్ రిలీజ్ ఉండటంతో డైరెక్టర్ మారుతి నాన్ స్టాప్‌గా షూటింగ్ కొనసాగిస్తున్నారు. అయితే ఈ షూట్‌లో ప్రభాస్ లేడు. హీరోలేని ఇతర సీన్లని షూట్ చేస్తున్నారు. ప్రస్తుతం ప్రభాస్ హను రాఘవపూడి 'ఫౌజి' షూటింగ్ లో బిజీగా గడుపుతున్నారు. అయితే హీరో లేకుండా షూటింగ్ చేయడం టైమ్ సేవింగ్ పనే అయినా.. ఈ మధ్య కాలంలో వస్తున్న స్టార్ హీరోస్ మూవీలలో హీరో లేని సీన్లు ఎన్ని ఉంటాయో అంటూ చిన్న సందేహం వ్యక్తం చేస్తున్నారు కొందరు. ఏది ఏమైనా ఈ ట్రెండ్ నిర్మాతకి, దర్శకుడికి కలిసొచ్చే అంశమే.