Kalki2898AD: రిలీజ్‌కు ముందే క‌ల్కి సంచ‌ల‌నం.. USAలో రికార్డుల మోత
ABN, Publish Date - Jun 26 , 2024 | 09:12 AM
ప్రభాస్ న‌టించిన క‌ల్కి 2898 ఏడీ చిత్రం భారీ అంచ‌నాల మ‌ధ్య కొన్ని గంట‌ల్లో ప్రేక్ష‌కుల ముందుకు రాబోతోంది. అయితే ఈచిత్రం ఇంకా విడుద‌ల కాక ముందే అమెరికాలో రికార్డుల సునామీ సృష్టిస్తోంది.
భారీ అంచ‌నాల మ‌ధ్య కొన్ని గంట‌ల్లో ప్రభాస్ (Prabhas) న‌టించిన క‌ల్కి 2898 ఏడీ (Kalki2898AD) చిత్రం ప్రేక్ష‌కుల ముందుకు రాబోతోంది. ఇప్ప‌టికే ప్ర‌పంచ వ్యాప్తంగా ఈ సినిమాపై విప‌రీత‌మైన బ‌జ్ ఏర్ప‌డింది. దానికి తోడు. ప్ర‌మోష‌న్ కంటెంట్‌తో చిత్ర‌బృందం ఆ అంచ‌నాల్ని ఎప్ప‌టిక‌ప్పుడు రెట్టింపు చేస్తోంది.
తాజాగా ఈచిత్రం ఇంకా విడుద‌ల కాక ముందే రికార్డుల సునామీ సృష్టిస్తోంది. ఇంత‌వ‌ర‌కు ఇండియాలో ఎలాంటి స్టార్ హీరోకు సాధ్యం కానీ విధంగా అమెరికాలో ప్రీమియ‌ర్స్‌ కు ల‌క్ష‌ల్లో టికెట్ల సేల్స్ జ‌రిగి స‌రికొత్త చ‌రిత్రను తిర‌గ‌రాసింది. ఈ మేర‌కు మేక‌ర్స్ అధికారికంగా ప్ర‌క‌ట‌న కూడా చేశారు. రిలీజ్‌కు ముందు, త‌ర్వాత ఫాస్టెస్ట్‌గా 3 మిలియన్ల‌కు పైగా క‌లెక్ష‌న్లు సాధించిన తొలి భార‌తీయ చిత్రంగా క‌ల్కి రికార్డు నెల‌కొల్పింది.
నాగ అశ్విన్ ద‌ర్శ‌క‌త్వంలో వైజ‌యంతీ మూవీస్ (Vyjayanthi Movies) అత్యంత ప్ర‌తిష్టాత్మ‌కంగా రూపొందించిన ఈ చిత్రంలో అమితాబ్ బ‌చ్చ‌న్‌, క‌మ‌ల్ హాస‌న్‌, ప్రభాస్, దీపికా ప‌దుకొణె, దిశాప‌టానీ కీల‌క పాత్రలు పోషించిన సంగ‌తి తెలిసిందే. ఈనెల 27న విడుద‌లై ప్ర‌పంచ వ్యాప్తంగా ప్రేక్ష‌కుల‌ను అల‌రించ‌డానికి సిద్ధ‌మైంది.
సినిమా విడుద‌ల‌కు ముందే ఇంత భారీ సంఖ్య‌లో టికెట్ల సేల్స్ ఉండ‌డంతో సినిమా రిలీజ‌య్యాక కొద్దిపాజిటివ్ టాక్ వ‌చ్చిన ప‌రిస్థితి ఏ రేంజ్‌లో ఉంటుందో అంటూ ఫ్యాన్స్ అప్పుడే సంబురాలు ప్రారంభించారు.