Pushpa 2: డౌటే లే.. 'పుష్ప' గాడి రూల్ అప్పటినుండే
ABN, Publish Date - Nov 09 , 2024 | 12:16 PM
'పుష్ప 2' సినిమా రిలీజ్ టైమ్ దగ్గరపడుతున్న షూటింగ్ కంప్లీట్ కాకపోవడం, మ్యూజిక్ డైరెక్టర్ల మార్పు మరికొన్ని అంశాలు.. పుష్ప 2 రిలీజ్ పోస్ట్‌పోన్ కానుందని అనే వార్తలకు ఊతమిచ్చాయి. అయితే ఈ రూమర్స్‌కి, సందేహాలకు ట్విటర్ వేదికగా చెక్ పెడుతూ వస్తుంది నిర్మాణ సంస్థ 'మైత్రి మూవీ మేకర్స్'. ఇంతకీ వాళ్ళు ఎం చెప్పారంటే..
ఐకాన్‌స్టార్‌ అల్లు అర్జున్‌ (Allu Arjun) హీరోగా తెరకెక్కుతున్న చిత్రం ‘పుష్ప: ది రూల్’ (Pushpa the rule) సుకుమార్ (Sukumar) దర్శకత్వంలో తెరకెక్కుతోన్న ఈ చిత్రం రిలీజ్‌పై కొందరు అనుమానాలు వ్యక్తం చేస్తున్నారు. రిలీజ్ టైమ్ దగ్గరపడుతున్న షూటింగ్ కంప్లీట్ కాకపోవడం, మ్యూజిక్ డైరెక్టర్ల మార్పు మరికొన్ని అంశాలు.. పుష్ప 2 రిలీజ్ పోస్ట్‌పోన్ కానుందని అనే వార్తలకు ఊతమిచ్చాయి. అయితే ఈ రూమర్స్‌కి, సందేహాలకు ట్విటర్ వేదికగా చెక్ పెడుతూ వస్తుంది నిర్మాణ సంస్థ 'మైత్రి మూవీ మేకర్స్'. ఇంతకీ వాళ్ళు ఎం చెప్పారంటే..
2020లో 'అలా వైకుంఠపురంలో' సినిమా తర్వాత దాదాపు నాలుగు సంవత్సరాలు తన కెరీర్ ని డైరెక్టర్ సుకుమార్ కి అప్పజెప్పేశాడు బన్నీ. అయితే 2021లో 'పుష్ప 1' రిలీజ్ కాగా.. 3 సంవత్సరాల తర్వాత డిసెంబర్ 6, 2024లో 'పుష్ప 2' రిలీజ్ ఉంటుందని మేకర్స్ ప్రకటించడంతో ఎంతో సహనంతో బన్నీ ఫ్యాన్స్ ఊపిరిపీల్చుకున్నారు. అభిమానుల్లో మరింత ఉత్సహం పెంచేందుకు రిలీజ్ డేట్ ని ఒక రోజు ముందుకు జరిపి సినిమాని బూస్ట్ చేశారు. అయితే ఇటీవల జరుగుతున్న కొన్ని సంఘటనలు అభిమానులను కలవరపెడుతున్న ఈ నేపథ్యంలో నిర్మాణ సంస్థ 'మైత్రి మూవీ మేకర్స్' రంగంలోకి దిగి పరిస్థితులను చక్కబెట్టే పని చేస్తోంది.
ఈ సినిమా రిలీజ్ కి ఇంకా నెల రోజులు కూడా సమయం లేదు.. అయినా కొంత షూట్, రెండు సాంగ్స్ బాకీ ఉన్నాయి. ఆ పని కంప్లీట్ ఎప్పుడవుతుంది. విదేశాలకు కాపీలను ఎప్పుడు పంపిస్తారు, ప్రమోషన్స్ సంగతి ఏంటని సర్వత్రా చర్చ నడుస్తోంది. ఈ క్రమంలోనే మ్యూజిక్ డైరెక్టర్ 'డీఎస్పీ' ప్లేస్ లో 'తమన్'ని తీసుకొచ్చి మరో పెద్ద ట్విస్ట్ ఇచ్చారు. ఈ క్రమంలో ఆందోళనలు మరింత పెరిగాయి అభిమానుల్లో. అయితే నిర్మాణ సంస్థ 'మైత్రి మూవీ మేకర్స్' యూఎస్ ప్రీమియర్ షోస్ కి సర్వం సిద్ధం అయినట్లు ప్రకటించింది. యూఎస్ ప్రీమియర్ షోస్ లో అత్యధిక వేగంగా 20 వేల టికెట్లను అమ్మి పుష్ప 2 మూవీ రికార్డ్ సృష్టించినట్లు పోస్ట్ చేసింది. మరోవైపు కిస్సిక్ (kissik) సాంగ్ అప్డేట్ ఇచింది. ఈ సాంగ్ ని సాంగ్ అఫ్ ది ఇయర్‌గా ప్రకటించింది. దీంతో అభిమానుల్లో కానిఫిడెన్స్ పెరుగుతోంది 'పుష్ప గాడి రూల్' టైమ్ కె ప్రారంభం అవుతుందని ఊపిరి పీల్చుకుంటున్నారు.