MrBachhan: మిస్ట‌ర్ బ‌చ్చ‌న్‌ ఉత్తరప్రదేశ్ షెడ్యూల్ పూర్తి.. ఆయోధ్య రామున్ని ద‌ర్శించుకున్న హ‌రీశ్‌శంక‌ర్‌

మాస్ మహారాజా రవితేజ, హరీష్ శంకర్,’Mr బచ్చన్‘ సినిమా ఉత్తర ప్రదేశ్ షెడ్యూల్ ముగించుకుంది. అ సందర్భంగా దర్శకుడు & టీం అయోధ్య రామమందిరాన్ని సందర్శించారు.

మాస్ మహారాజా రవితేజ (RaviTeja) మరియు మాస్ డైరెక్టర్ హరీష్ శంకర్ (Harish Shankar) మాస్ రీయూనియన్ గా వస్తున్న చిత్రం మిస్టర్ బచ్చన్ (#MrBachhan) ఉత్తరప్రదేశ్ లో 30 రోజుల సుదీర్ఘ షెడ్యూల్ ను ముగించుకుంది. కీలక షెడ్యూల్ ని విజయవంతంగా పూర్తి చేయడంతో దర్శకుడు హరీష్ శంకర్ మరియు చిత్ర బృందం అయోధ్య ఆలయాన్ని సందర్శించి రామ్ లల్లా ఆశీస్సులు తీసుకున్నారు. ఈ సంద‌ర్భంగా దర్శకుడు ఆలయాన్ని సందర్శించిన దృశ్యాలను కలిగిఉన్న వీడియోను మేకర్స్ ఈ రోజు విడుదల చేశారు.

హరీష్ శంకర్ (Harish Shankar) ఎప్పటిలాగే శరవేగంగా సినిమాను తెరకెక్కిస్తుండ‌గా.. రవితేజ(Ravi Teja)ను పవర్ ఫుల్ క్యారెక్టర్ లో ప్రెజెంట్ చేస్తున్నాడు. జగపతిబాబు కీలక పాత్రలో నటిస్తుండగా ఆయన క్యారెక్టర్ పోస్టర్ ను ఇటీవలే విడుదల చేశారు. ఈ సినిమాలో రవితేజ సరసన భాగ్యశ్రీ బోర్స్ (Bhagyashri Borse ) హీరోయిన్ గా నటిస్తోంది. పీపుల్ మీడియా ఫ్యాక్టరీ బ్యానర్ పై టీజీ విశ్వ ప్రసాద్ ఈ ప్రాజెక్ట్ ని గ్రాండ్ గా నిర్మిస్తున్నారు. వివేక్ కూచిభొట్ల సహ నిర్మాత.

మిక్కీ జే మేయర్ సంగీతం అందిస్తున్న‌ ఈ చిత్రానికి నామ్ తో సునా హోగా అనేది ట్యాగ్లైన్. అయనంక బోస్ సినిమాటోగ్రఫీని, అవినాష్ కొల్లా ప్రొడక్షన్ డిజైనర్ గా వ్యవహరిస్తున్నారు. ఉజ్వల్ కులకర్ణి ఎడిటర్. మిగిలిన నిర్మాణ పనులు పూర్తయిన తర్వాత మేకర్స్ సినిమా విడుదల తేదీని ప్రకటిస్తారు.