Meenakshi Chowdary: మహేశ్‌ అలా.. విజయ్‌ ఇలా.. మరి విష్వక్‌..
ABN, Publish Date - Nov 18 , 2024 | 09:34 AM
'మెకానిక్ రాకీ' ప్రీ రిలీజ్ వేడుక వేదికగా మీనాక్షి చౌదరి ఆసక్తికర విషయాలు చెప్పారు. కొందరి హీరోపై తన అభిప్రాయాన్ని తెలిపారు.
వరుస చిత్రాలతో బిజీగా ఉన్నారు మీనాక్షి చౌదరి(Meenakshi chowdary). ఈ ఏడాది తెలుగు, తమిళ భాషల్లో ఆమె నటించిన ఐదు చిత్రాలు విడుదలయ్యాయి. గత నెలలో విడుదలైన లక్కీ భాస్కర్‌ భారీ విజయం సాధించగా, ఇటీవల ప్రేక్షకుల ముందుకొచ్చిన 'మట్కా’ ఏవరేజ్‌ టాక్‌ తెచ్చుకుంది. ప్రస్తుతం ‘మెకానిక్ రాకీ’ (Mechanic Rowdy) అంటూ విష్వక్‌తో కలిసి అలరించేందుకు రెడీ అవుతోంది. రవితేజ ముళ్లపూడి దర్శకత్వంలో తెరకెక్కిన ఈ చిత్రం ఈనెల 22న ప్రేక్షకుల ముందుకు రానుంది. ఈ నేపథ్యంలో టీమ్‌ తాజాగా ప్రీ రిలీజ్ ఈవెంట్‌ను నిర్వహించింది. ఈ వేదికపై మీనాక్షి చౌదరి ఆసక్తికర విషయాలు చెప్పారు. కొందరి హీరోపై తన అభిప్రాయాన్ని తెలిపారు.
‘మహేశ్‌బాబు (Mahesh Babu) క్రమశిక్షణగా ఉంటారు. కోలీవుడ్‌ హీరో విజయ్‌ (Vijay) ఎప్పుడూ ఒకేలా ఉంటారు. దుల్కర్‌ సల్మాన్‌లో వినయం అంటే నాకు తో ఇష్టం. వరుణ్‌ తేజ్‌ది పూర్తిగా జెంటిల్‌మ్యాన్‌ నేచర్‌. ఇక విష్వక్‌సేన్‌ ఎప్పుడూ సరదాగా ఉంటారు. ఎనర్జిటిక్‌గా ఉంటూ సెట్‌లో సందడి క్రియేట్‌ చేస్తుంటారు’ అని అన్నారు.
శద్థా శ్రీనాథ్‌ మాట్లాడుతూ.. గతంలో విష్వక్‌సేన్‌ నటించిన ‘ఫలక్‌నుమా దాస్‌’ను రిజెక్ట్‌ చేశా. ఆ కథ నాకు నచ్చలేదు. నటీనటులు సినిమాలను ఎంపిక చేసుకునే క్రమంలో అలా తిరస్కరించడం సహజం. కానీ.. అప్పటినుంచి మంచి స్క్రిప్ట్ ఉంటే విష్వక్‌తో నటించే అవకాశం కోసం ఎదురుచూశాను. అప్పటికంటే ఇప్పుడు విష్వక్‌ మరింత బాధ్యతగా ఉన్నారు’’ అని ఆమె అన్నారు. "పది సినిమాల అనుభవంతో చెబుతున్నా.. ఈ సినిమా కచ్చితంగా సూపర్‌ హిట్‌ అవుతుంది. ఇప్పటిదాకా నేను చేసిన చిత్రాలన్నింటి కన్నా వెరైటీగా ఉంటుంది. ఐదు నిమిషాలు కూడా ఎక్కడా బోర్‌ కొట్టదు. ఒకరోజు ముందుగానే ప్రీమియర్లు వేస్తున్నాం’’ అని విష్వక్‌ అన్నారు. విష్వక్‌సేన్‌, మీనాక్షి చౌదరి, శ్రద్ధా శ్రీనాధ్‌ కీలక పాత్రధారులుగా రూపొందిన యాక్షన్‌ కామెడీ ఫిల్మ్‌ ఇది. రామ్‌ తాళ్లూరి నిర్మించారు. సునీల్‌, నరేశ్‌ వి.కె తదితరులు ముఖ్య పాత్రలు పోషించారు.