Bhairavam: మంచు మనోజ్ మాస్ అవతార్.. భైరవం
ABN, Publish Date - Nov 12 , 2024 | 11:55 AM
బెల్లంకొండ సాయి శ్రీనివాస్, మనోజ్ మంచు, నారా రోహిత్ నటిస్తున్న మోస్ట్ అవైటెడ్ క్రేజీ మూవీ ‘భైరవం’. విజయ్ కనకమేడల దర్శకుడు. రీసెంట్‌గా బెల్లంకొండ సాయి శ్రీనివాస్, నారా రోహిత్ ఫస్ట్ లుక్స్ వదిలిన మేకర్స్.. తాజాగా మంచు మనోజ్ లుక్‌ని రివీల్ చేశారు. ఈ ఫస్ట్ లుక్ ఎలా ఉందంటే..
బెల్లంకొండ సాయి శ్రీనివాస్, మనోజ్ మంచు, నారా రోహిత్ నటిస్తున్న మోస్ట్ అవైటెడ్ క్రేజీ మూవీ ‘భైరవం’ (Bhairavam Movie). విజయ్ కనకమేడల దర్శకత్వం వహిస్తున్న ఈ భారీ బడ్జెట్ చిత్రాన్ని పెన్ స్టూడియోస్ డాక్టర్ జయంతిలాల్ గడ సమర్పణలో శ్రీ సత్యసాయి ఆర్ట్స్ బ్యానర్‌పై కెకె రాధామోహన్ నిర్మిస్తున్నారు. ఇప్పటికే ఈ మూవీ నుండి విడుదల చేసిన బెల్లంకొండ సాయి శ్రీనివాస్, నారా రోహిత్ ఫస్ట్ లుక్ లకు మంచి స్పందనను రావడమే కాకుండా హ్యుజ్ బజ్‌ క్రియేట్ చేశాయి. తాజాగా మేకర్స్ మంచు మనోజ్ మాస్ అవతార్‌ని ప్రజెంట్ చేస్తూ ఇంటెన్స్ ఫస్ట్ లుక్‌ను విడుదల చేశారు.
ఇంతకు ముందు ఎప్పుడూ లేని విధంగా.. బెల్లంకొండ సాయి శ్రీనివాస్, మంచు మనోజ్, నారా రోహిత్ స్క్రీన్‌ను షేర్ చేసుకోడం సినీ అభిమానులకు కన్నుల పండగలా ఉండబోతోంది. ఈ కాంబినేషన్‌ని అస్సలు ఇంత వరకు ఎవరూ ఎక్స్‌పెక్ట్ కూడా చేయలేదు. ఈ ముగ్గురుతో విజయ్ కనకమేడల ఎటువంటి మ్యాజిక్ చేయబోతున్నారో.. అనేలా అప్పుడే ఈ ప్రాజెక్ట్‌పై క్యూరియాసిటీ మొదలైంది. ఈ చిత్రానికి హరి కె వేదాంతం సినిమాటోగ్రఫీ, శ్రీ చరణ్ పాకాల మ్యూజిక్, ఛోటా కె ప్రసాద్ ఎడిటింగ్, బ్రహ్మ కడలి ప్రొడక్షన్ డిజైనింగ్, సత్యర్షి-తూమ్ వెంకట్ డైలాగ్స్ రాసే బాధ్యతలను నిర్వహిస్తున్నారు.