Guntur KaaramTrailer: కొడితే ఉంచుకున్న దాని పేరు కూడా చెబుతావ్‌.. అదిరిపోయిన గుంటూరుకారం ట్రైల‌ర్‌

సూప‌ర్‌స్టార్ మ‌హేశ్‌బాబు అభిమానులు చాలాకాలంగా, ఎంతో ఆస‌క్తిగా చూస్తున్న‌ మోస్ట్ అవైటెడ్ సినిమా గుంటూరు కారం ట్రైల‌ర్ ఎట్ట‌కేల‌కు విడుద‌లైంది.

సూప‌ర్‌స్టార్ మ‌హేశ్‌బాబు అభిమానులు చాలాకాలంగా, ఎంతో ఆస‌క్తిగా చూస్తున్న‌ మోస్ట్ అవైటెడ్ సినిమా గుంటూరు కారం ట్రైల‌ర్ (Guntur KaaramTrailer) ఎట్ట‌కేల‌కు విడుద‌లైంది. స‌ర్కారువారి పాట చిత్రం త‌ర్వాత దాదాపు రెండు సంవ‌త్స‌రాల త‌ర్వాత‌ మ‌హేశ్‌బాబు నుంచి వ‌స్తున్న చిత్రం కావ‌డంతో పాటు అలా వైకుంట‌పురంలో అనే బ్లాక్‌బ‌స్ట‌ర్ హిట్ చిత్రం త‌ర్వాత‌ తివిక్ర‌మ్ ద‌ర్శ‌క‌త్వంలో వ‌స్తున్న సినిమా కావ‌డంతో మొద‌టి నుంచే ఈ చిత్రంపై భారీ అంచ‌నాలు ఉన్నాయి.

ఇప్ప‌టికే ఈ చిత్రం నుంచి విడుద‌ల చేసిన గ్లిమ్స్‌, పాట‌లు సినిమాపై హైప్‌ను రెట్టింపు చేయ‌గా తాజాగా విడుద‌ల చేసిన 2నిమిషాల 48 సెంకండ్ల‌ ట్ట్రైల‌ర్‌ నిమిషాల్లోనే మిలియ‌న్ వ్యూస్ సాధించి రికార్డులు సృష్టిస్తోంది. ట్రైలర్ లో మహేష్ బాబు ఊర మాస్, మాటల మాంత్రికుడి ట్రేడ్ మార్కు డైలాగులతో పాటు హీరోయిజం పీక్స్‌లో ఉంది.

కొడితే పెళ్లాం ముందే ఉంచుకున్న దాని పేరు కూడా చెబుతావ్, ఎప్పుడో చిన్న‌ప్పుడు కొట్టాల్సిన అమ్మ ఇప్పుడు ఇస్త్రీ చేసిన చీర క‌ట్టుకుని వ‌చ్చి కొడుతుంది, ,చూడంగానే మ‌జా వ‌చ్చిందా, హ‌ర్ట్‌బీట్‌ పెరిగిందా, ఈల వేయాల‌నిపించిందా, చింపేసుకుని తిరుగుతారా, వేసుకున్నాక చించుకుంటారా, వాడొక బ్రేకుల్లేని లారీ ఎవ‌ర‌పుతారు.. వంటి డైలాగ్స్ అభిమానుల‌ను ఇట్టే ఆక‌ట్టుకునేలా ఆస‌క్తిక‌రంగా ఉన్నాయి.

అయితే గుంటూరు కారం సినిమా ట్రైల‌ర్ విడుద‌ల నేప‌థ్యంలో ఈ రోజు (ఆదివారం) హైద‌రాబాద్‌లోని సుద‌ర్శ‌న్ 35 ఎంఎం థియేట‌ర్ వ‌ద్ద‌ అభిమానులు నానా హంగామా చేశారు. పెద్ద‌ పెద్ద బ్యాన‌ర్లు, క‌టౌట్లు ఏర్పాటు చేసి బాణా సంచా పేల్చి, డీజే సౌండ్స్‌తో సంబురాలు చేసుకున్నారు.