MAA: మా అసోసియేషన్ న్యాయ సలహాదారుడు అడ్వకేట్ కృష్ణ మోహన్ కన్నుమూత
ABN, Publish Date - Nov 02 , 2024 | 09:31 PM
మూవీ ఆర్టిస్ట్‌ అసోసియేషన్‌కు గత 22 సంవత్సరాలుగా న్యాయ సలహాదారులుగా వ్యవహరించిన అడ్వకేట్ కృష్ణ మోహన్ కన్ను మూశారు. ఊపిరితిత్తుల అనారోగ్యంతో శనివారం సాయంత్రం 7 గం‌టలకు ఆయన తుదిశ్వాస విడిచారు.
మా అసోసియేషన్‌కు గత 22 సంవత్సరాలుగా న్యాయ సలహాదారులుగా వ్యవహరించిన అడ్వకేట్ కృష్ణ మోహన్ కన్ను మూశారు. ఊపిరితిత్తుల అనారోగ్యంతో గత కొంతకాలంగా అడ్వకేట్ కృష్ణ మోహన్ ఇబ్బందిపడుతున్నారు. మూడు నెలల క్రితం హాస్పటల్‌లో చికిత్స అనంతరం ఇంటికి వచ్చిన కృష్ణ మోహన్ ఆరోగ్యం విషమించటంతో శనివారం సాయంత్రం 7 గం‌టలకు తుదిశ్వాస విడిచారు. సోమవారం మహా ప్రస్థానంలో ఆయన అంత్యక్రియలు నిర్వహించనున్నట్లు కుటుంబ సభ్యులు తెలిపారు.
Also Read- యంగ్ చాప్ ఎన్టీఆర్‌కు నారా భువనేశ్వరి ఆశీస్సులపై వైవిఎస్ చౌదరి స్పందనిదే..
మా అసోషియేషన్‌లో వరుసగా పదిసార్లు ఎన్నికల అధికారిగా అడ్వకేట్ కృష్ణ మోహన్ విధులను నిర్వర్తించారు. 2021లో పోటాపోటీగా జరిగిన ‘మా’ ఎన్నికలలో కృష్ణ మోహన్ పై ప్రకాష్ రాజ్ వర్గం అనేక ఆరోపణలు చేయగా.. కృష్ణ మోహన్ వాటిని తిప్పికొట్టారు. ఆ ఎన్నికలలో మంచు విష్ణు అధ్యక్షుడిగా గెలిచారు. అంతకు ముందు ఎప్పుడూ కూడా అడ్వకేట్ కృష్ణ మోహన్ పేరు పెద్దగా వినబడలేదు కానీ.. 2021 ఎన్నికలలో మాత్రం ఆయన వ్యవహరించిన తీరు అనేక ఆరోపణలకు కారణమైంది. ఆయన పేరు వైరల్ అయ్యేలా చేసింది. ఆ తర్వాత మళ్లీ ఎన్నికలు జరగాల్సి ఉన్నప్పటికీ జరగలేదు. మంచు విష్ణునే మళ్లీ ప్రెసిడెంట్‌గా కొనసాగుతున్నారు. కృష్ణ మోహన్ మృతి పట్ల ‘మా’ అసోసియేషన్ ప్రగాఢ సంతాపాన్ని తెలియజేసింది.