KA: రూ. 50 కోట్ల క్లబ్‌లోకి ‘క’.. సక్సెస్ అంటే ఇది
ABN, Publish Date - Nov 16 , 2024 | 11:26 AM
దీపావళికి థియేటర్లలోకి వచ్చిన ‘క’ సినిమా కుమ్మేస్తోంది. డే 1 నుండి పాజిటివ్ టాక్‌తో రన్ అవుతోన్న ఈ సినిమా కలెక్షన్ల సునామీ సృష్టిస్తోంది. ప్రస్తుతం ఈ సినిమా రూ. 50 కోట్ల క్లబ్‌లోకి చేరినట్లుగా మేకర్స్ అధికారికంగా ప్రకటించారు. ఆ వివరాల్లోకి వెళితే..
దీపావళికి థియేటర్లలోకి వచ్చిన ‘క’.. డే 1 నుండి పాజిటివ్ టాక్‌తో రన్ అవుతూ.. కలెక్షన్ల సునామీ సృష్టిస్తోంది. థ్రిల్లర్ జానర్‌లో ప్రేక్షకులకు సరికొత్త సినిమాటిక్ ఎక్స్‌పీరియన్స్ ఇచ్చి ఘన విజయాన్ని అందుకుందీ చిత్రం. దీపా‌వళి బాక్సాఫీస్ రేసులో విన్నర్‌గా నిలిచిన ఈ సినిమా ఇప్పుడు రూ. 50 కోట్ల క్లబ్‌లోకి సైతం చేసి.. సక్సెస్‌కు కొలమానంగా నిలిచింది. ఈ చిత్రం వరల్డ్ వైడ్‌గా 50 కోట్ల రూపాయల గ్రాస్ కలెక్షన్స్ సాధించినట్లుగా మేకర్స్ అధికారికంగా ప్రకటించారు.
Also Read-Rana Daggubati: పవన్‌ కళ్యాణ్ వచ్చే అవకాశం లేదు..
బ్లాక్‌బస్టర్ సక్సెస్‌తో సెకండ్ వీక్ కంప్లీట్ చేసుకున్న ఈ చిత్రం ప్రస్తుతం థర్డ్ వీక్‌కి చేరుకుని.. థర్డ్ వీక్‌లోనూ విజయవంతంగా ప్రదర్శింపబడుతుండటం విశేషం. రెండు తెలుగు రాష్ట్రాలతో పాటు ఓవర్సీస్‌లోనూ ‘క’ సినిమాకు ఇప్పటికీ మంచి వసూళ్లు వస్తున్నాయని మేకర్స్ చెబుతున్నారు. సినిమా బాగుంటే ప్రేక్షకులు ఎప్పుడైనా, ఎలాంటి పరిస్థితుల్లోనైనా ఆదరిస్తారని చెప్పేందుకు కిరణ్ అబ్బవరం ‘క’ ది బెస్ట్ ఎగ్జాంపుల్‌ అనేగా బాక్సాఫీస్ వద్ద టాక్‌ని రాబట్టుకుంటోంది.
కిరణ్ అబ్బవరం డిఫరెంట్ పాత్రలో నటించిన ఈ సినిమాలో నయన్ సారిక, తన్వీ రామ్ హీరోయిన్లుగా నటించారు. శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్ టైన్‌మెంట్స్ బ్యానర్ పై చింతా గోపాలకృష్ణ రెడ్డి భారీ ప్రొడక్షన్ వ్యాల్యూస్‌తో ఈ చిత్రాన్ని నిర్మించారు. దర్శక ద్వయం సుజీత్, సందీప్ ఈ సినిమాతో తమ ప్రతిభ నిరూపించుకున్నారు. ఈ సినిమాను తెలుగులో ప్రొడ్యూసర్ వంశీ నందిపాటి రిలీజ్ చేయగా.. ఈ నెల 22న మలయాళంలో స్టార్ హీరో దుల్కర్ సల్మాన్ తన వేఫరర్ ఫిలింస్‌పై రిలీజ్ చేయబోతున్నారు. త్వరలోనే ఇతర భాషలలోనూ ఈ సినిమాను విడుదల చేసేందుకు సన్నాహాలు చేస్తున్నారు. ప్రస్తుతం ఈ మూవీ సక్సెస్‌తో టీమ్ అంతా ఆనందంగా ఉంది.