Game Changer: రాజమండ్రికి రామ్‌చరణ్‌..

రామ్‌చరణ్‌ (Ram charan) హీరోగా శంకర్‌ (Shankar) దర్శకత్వంలో 'గేమ్‌ ఛేంజర్‌’ (Game Changer) చిత్రం తెరకెక్కుతున్న సంగతి తెలిసిందే!

రామ్‌చరణ్‌ (Ram charan) హీరోగా శంకర్‌ (Shankar) దర్శకత్వంలో 'గేమ్‌ ఛేంజర్‌’ (Game Changer) చిత్రం తెరకెక్కుతున్న సంగతి తెలిసిందే! పొలిటికల్‌ యాక్షన్  ఎంటర్టైనర్‌గా పాన్ ఇండియా స్థాయిలో రూపొందుతున్న ఈ చిత్రాన్ని శ్రీవెంకటేశ్వర క్రియేషన్స్‌ పతాకంపై దిల్‌రాజు నిర్మిస్తున్నారు. కియారా అడ్వాణీ కథానాయిక. ప్రస్తుతం చిత్రీకరణ ముగింపు దశలో ఉంది. ఈ సినిమాకు సంబంధించి తాజా అప్‌డేట్‌ వచ్చింది. ఈ నెల మూడో వారం నుంచి రాజమండ్రిలో కొత్త షెడ్యూల్‌ ప్రారంభం కానుందని చిత్ర వర్గాల నుంచి సమాచారం. కొద్దిరోజులు అక్కడ చిత్రీకరణ చేసుకున్నాక విశాఖపట్టణంలోనూ కీలక సన్నివేశాలను తెరకెక్కించనున్నట్లు సోషల్‌ మీడియాలో వార్తలు చక్కర్లు కొడుతున్నాయి.

HBD Allu Arjun: టీజర్‌ మాత్రమే కాదు.. టీవీల్లో ఎంటర్‌టైనమెంట్‌కు కొదవలేదు..

ఈ షెడ్యూల్‌ దాదాపు పది రోజులకు పైగా ఉండనున్నట్లు సమాచారం. ఇందులో చరణ్‌ రెండు కోణాలున్న పాత్రలో కనిపించనున్నారు. త్వరలో విడుదల తేదీని ప్రకటిస్తారు. మరోవైపు శంకర్‌ ఇండియన -2 చిత్రంతో బిజీగా ఉన్నారు. లైకా సంస్థ ఈ చిత్రాన్ని నిర్మిస్తోంది.  ఎస్‌.జె.సూర్య, అంజలి, సునీల్‌ తదితరులు కీలక పాత్రధారులు.